أبيات بواسطة عـــمـــر

ظنوني تهابك

ياكثر ماكانت ظنوني دخيل الله تهابك
بس اكذبها واقول اوهام والقلب وميوله
(حمد السعيد)

لو كل غالي

لو كل غالي جابه الله لغاليه
ما شفت لك مخلوق تبكي عيونه
(متعب التركي)

ليلكم شمس

ليلكم شمس..بنتصل باكر
إن لقيناكم عسى.. وان هجرتونا عسى
بنغسل جْروح المسا
بالمسا
حنا ملّينا الصبر.. كانت الساعه عمر
اقبلوا منّا العذر
لكلّ شيْ آخر
(بدر بن عبدالمحسن)

كفاني

كفاني من حياتي لو مضيت ولا شهدت بزور
وكفاني من مماتي لو مضيت ولي أثر باقي!
(فهد عافت)

الفتنة

في محاجرها اشوف الناس هزلين وْ فقارى
و بشفايفها يضيع الشوف وِيْحَاس المرير
فتنة ٍ لا مرَّت الشيبان خلَّتهُم سكارى
دفْع البلا أعقلهم اللي لعْرضت دربه يطير
(ناصر الدهمشي)

مات الحكي

وان مات الحكي ما عاد ينفع ضحكي ونواحي!
يقولون الذي كاره يلاقي للفراق اسباب!
(بدر بن عبدالمحسن)

أنا شمالي

أنا شمالي و الشمالـي إذا حـن
شد الرحال و لوَّحت له مدينـة
صدره يضيِّف به عرب لا بدا يدن
نجره بقاع ٍ ما وطتها الضعينـة
(ناصر الدهمشي)

قل لا

قل لا..ولو مره عشـان انحنيلك
اقطع حبال الخوف ماينفع الجر
حاول تمرد شوف شلي يجيلك
من لا تضرر ما نفع يوم او ضر
رايك سلاحك لو تشيله يشيلك
وايمانك اكبر من هل الخير والشر
(سليمان المانع)

طفلك التايه

طفلك التايه اللي ماتعلم يخونك
ضاق من كثرة الأحلام والحين جالك
لو تهامل دموعي ياعيوني عيونك
أنت تدري بحالي كيف تعنيه حالك
الله اللي عطاك من الغلا مايصونك
ولو تغيّبت عنك مانويت الجفا لِك
حافظك في ضلوعي والمعاليق دونك
مابه أحد ٍ سكني..ريح ضنون بالك!
(سطام الشامان)

جيتني مثل السحاب

جيتني مثل السحاب.. وجيت لك مثل الضما
جيت لك مثل الضما لا لمح وجه السحاب
من يلوم الضامي اللي بحضن هالغيم إرتما
راح عمره يا سحابه قبلك .. بطرد السراب !
(بدر الدويش)

12345Last ›