أبيات بواسطة ميس بوو

غـيابك

ترى غيابك خدر القلب تخدير
ومنّك عيوني قد تزايد سهرهـا
عطني على ما قلت للوضع تبرير
عطني فداك الروح و أيضا نظرها
عن غيبتك عطني مع العلم تفسير
زايد شكوكي فيك حالي دمرهـا
(يوسف محمد العنزي)

معــاناة

تمشيني على شاطي العذاب
لا تحملني على ذنوبي ذنوب
لا تخليني حبيس الاكتئاب
والزمن يجتاحني من كل صوب
انت عمري وابتساماتي العِذاب
وانت من غيرك ترى ماني امحسوب
مثل صفر خالف أرقام الحساب
في شماله تاه يبحث عن جنوب
(سالم سيف الخالدي)

خـذني على قد عقلي

مابي أحبـّك..أبي حبـّك يدمرني
وأبيـك مثل الرّوح..لوغبت تنهيني
وتكفى طلبتك..دخـيلك..لاتواخذني !
خذني على قد عقلي..ولاتخلّيني
(شـافي السبيعي)

أحبك

نعم والّلي كتب لي شي أسمه (الحب) في دنياك
أنا أول حب بالدّنيا أحبّك وآخر أحبابك
وكثر ماكنت أنا أحبـّك..أبي لآخر عمر أهواك
وأبي لآخر نفس فيني معاك وبأسكن أهدابك
وكثر ماكنت بالدّنيا أدوّر راحتك وارضاك
كثر دعواتي ..لين الّله كتب لي حبك وجابك
(شافي السبيعي)

كامل التواصيف

واجـد أهـل الزين لكن في بهاك
الجمال بكل مـعنى مـختصر
خالقك سبحانه ،، إختار وعطاك
كـل كـامل من تواصيف البشر
كـان حـور العين تشبهك بحلاك
هـني أهل الخير في يوم الحشر
دامني حي ،، فلا أطمع في سواك
وبـاستمرار ارجي لقا بعد القبر
(سعود بن بندر)

نصيحــة ..

نصيحة واحتفظ فيها قصر معك الزمن أو طال
أبي تسمع كلامي زين وتحطه على بالك
اذا حبك هبال اطفال.. لك عندي هبال اطفال
ولا وابشر بعد بهبال حب ما هو بهبالك
واذا قصدك تهين اسمي عشان تشمت العذال
ترى لا انته ولا غيرك ولا عشرة من اشكالك
(حامد زيد)

عــذاب الغياب

احذر تسمّع يا عنا القلب للغير
بالك هل النمات تمشي بثرهـا
ترى حبيبك ما حصل منه تقصير
مير الظروف القاسيات تخبرهـا
بعطيك عن حالي مع الوصف تقرير
اعرف عليك الحال زايد قهرهـا
(يوسف العنزي)

عمر الزهـور

يصيبك شـك مني في غلاك
يامغلي عـيشة أيام،،العمر
لا يهمك من حكي هذا ،، وذاك
ولا يصيبك يابعد عمري كدر
مـنوة العذال يسعون الهلاك
حـبنا اللي تـوه بعمر الزهر
لو يشوفك من عذلني في هواك
مثل ماأشوفك عذرني وأعتذر
(سعود بن بندر)

مرتبة الشـرف

ليه اتحاكى و كل أبوي يعرف غـاية كل أبيه
اليا فرح افرح و دمعه لا ذرف دمعي ذرف
اغليه يعني اعشقه اعشقه يعني اموت فيه
يعني انا ميت مع عشقه و مرتبة الشـرف
(سعد بن علوش)

لا حس و لا طـاري

لاحـس ؟ لاطـاري؟ ولا حتّى خبـر
فجـاة كذا تمشي؟ ولاقلت بتروح؟
وماقلت حتّى أستسمحك بعض العذر؟
شتكلّفك بالّله من وقت مسموح؟
على الأقل ..ماكنت أتأمّل تمرّ !
وأضحـك على قلبي وأسلّيه بجـروح؟
(شافي السبيعي )

123