شفت المقفي وربي ما اتبعـه لـو خطوتيـن
و أصبعي وهو أصبعـي لا غدرنـي أقطعـه
و بسألك سـؤال واحـد و الجـواب كلمتيـن
لا صار قدرك والهوى خصمين من تاقف معه
ياخي العزة كرامه و انت دايـم مستهيـن
ياخي ضرسك لا اوجعك بذمتك ما تخلعـه ؟؟
(غير معروف)
بعض الجروح تطيب مع مر الايام
والبعض نقضه في مرور الثواني
وانا جروحي ساطيه بي من العام
تنقض بعضها بين ذيك المحاني
والعمر لويحسب ليالي مع ايام
كم ناتج القسمه جروح وثواني
(عايض محمدالحربي)
يومك بقلبي كل هاالناس يدرون
واللحين يومك رحت محدن درابك
تلقى بدالي من هل العشق مليون
وانا بطالع وش يصير بجنابك ؟
المشكله لاجيت ماني بمضمون
يمكن الاقي من يسد بغيابك
(حمد بن سعد المسرع)
هيه ياريانت العود لاهب الهبوب
لاعبي تيك الهبايب على ماهي تريد
واذكريني كل ماهب نسناس الجنوب
واذكري كل الرسايل وغني بالقصيد
واذكريني كل ماجات حزات الغروب
واذكريني كل ماراح تفكيرك بعيد
(غير معروف)