أبيات بواسطة بدر تبوك

سكرة الحب

من سكرة الحب الصناعي صحينا
حتى المجالس عفتها خوف ذكراك
خل الذي غير حنانك علينا
يعطيك من قلبه ربع ماعطيناك!
(عبدالله عبدالعزيز العليوي)

درب الهوى

يجونك على درب الهوى يركضون عجال
عليهم سماة الجن ماهم بصاحيني
تحول مسار الحب وإنهارت الأجيال
وصاروا عيال الإنس مثل الشياطيني
(رشيد الدهام)

احضن احساسي

انت لا تقرب ولا تبتعد مني كثير
لا تروح ولا تجيني ابي طبعك وسط
ما أبيك بشكل عادي ولا شكل مثير
خل شكلك كل مرّه له انواع ونمط
حبني من كل قلبك بإخلاص وضمير
وطوّف الزلات مني ولا تبدي السخط
(حمد سعد)

اختر لنفسك

استكثر الحب فعيونك ولو هو قليل
واستصغره في فؤادي لو جروحي كبار
انحت من الصمت كلماتي وروحي تسيل
على الورق واشعل لك الدنيا حروف نار
(سعد الحريص)

حيل أحبك

صدقيني حيل أحبك والوعد يوم القيامه
ويل من هو كان يكْذِب وكانت ذنوبه جريده
إتركيني لجل عينه كان لك حُبه إبتسامه
المهم إنك تكوني يا بعد ضامي سعيده
(أحمد الصانع)

وشلون باصبر؟

ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار
(طلال السعيد)

ردي الأصل

ردي الأصل لو شفته صفالك
ترى الأيام عشرتها مصايب
ولو تعطيه من صافي حلالك
ترى الخايب على ماقيل خايب
(علي القحطاني)

لاترخص أحباب

إذا لقيت أحباب لاترخص أحباب
كل(ن) عطه يامشغل البال قدره
(غير معروف )

‹ First101112