أبيات القصيد | مشاركات بواسطة: الخافق





أبيات بواسطة الخافق

مات الهوى

ماتت محبتنا وصارت مصالح
الحب صار اليوم عطني واجيلك
زود المـحبه مابهـا اليوم فالح
واحذر ترى لاطحت محدٍ يشيلك
هذا هـوانا اصبح اليوم جارح
ضاع الهوى يالله عساني دخيلك
عذب النهر والبحر معروف مالح
والفرق واضح وانت تعرف دليلك
(يوسف الخلف)

اوصفك

اوصفك انا واقول ابد ماوصفتك
واجمل قصيدي كاتبه في حلاياك
احيان اقول انك زمن مر وقتك
ويفز قلبي لأطروا يوم ذكراك
(يوسف الخلف)

محتار

محتار وادري عنك لاصرت محتار
واضح في عينك يوم طالعت فيني
في داخلك تخفي كثير من الاسرار
كنك تبيني وماتبيني وتبيني
(يوسف الخلف)

قبل تشكي

قبل تشكيلي وتبكي
قبل لاتبدى وتحكي
ابسألك ليه الخيانه
ليه تخدعـني وتبكي
يعني متعود تخـون
او هو ذا طبعك يكون
تشتكي بدمع العيون
وعندك اسهل شي تبكي
(يوسف الخلف)

جار الزمان

جار الزمان ولوع القلب تلويع
وصارت بـلاوي دنيتي تمتحني
يالله دخيلك طالبك قبل لا اضيع
تاخذ بيديني وتبعد الهـم عـني
الحزن قطعني على شكل تقطيع
صار الحزن ياخذ تواصيف مني
(يوسف الخلف)

يعاندنا الزمان

البلاء ان اللي يعاندنا الزمان
والمصـيبه كيف بـس نقدر عليه
لاهو راضي يوم يتركنا بأمان
ولاهو راضي يوم ياخذنا بيديه
(يوسف الخلف)

شوف واحسب

احسب اللي راح من عمري وعمرك
شوف كم مره انا وانت التقينا
شوف وصلك كـم وكـم مرات هجرك
شوف كم مره تزاعلنا ورضـينا
من عرفتك والظروف اسباب عذرك
ودي اذكر يوم فيه احنا اهتنينا
في البحـر تايه رسـيني لبرك
ودني برتاح مـن بحرك لمينا
جف نهري من سببك وجـف نهـرك
بسألك وشلون ياخلي ظـمينا
(يوسف الخلف)

اذكرك وانساك

المشكله اني لانسيتك ذكرتك
والعب على نفسي وانا اذكرك وانساك
قريب منك وابتعد لاوصلتك
ابيك لكن بعـض الاحيان مـابغاك
اعرفك والله وانكر اني عرفتك
واقنع خفوقي وانسى ماكان وياك
شفتك ولا ودي في هالحال شفتك
ودي اطول نظرتي وخوفي انصاك
(يوسف الخلف)