أبيات بواسطة سحر المشااعر

لعنبوها

لعنبوها من مشاعر
كل ماقلت اببعد
تنهمر على قلبي .. تزيد
واعود انا فيها اذوب
(عبد الرحمن بن محمد)

سير علي

سير علي..بس امسح دموعي وروح
سير علي..جب لي معك قلب وروح
(طلال الرشيد)

أخاف

أخـاف اغمض عيوني وان رمشت أفقدك
وأخـاف أفـتح وتـصبح حلم ولا التقيك
(طلال الرشيد)

شعور

اغلى الشعور معانق ايدين خلان
فيه الكفوف قلوب والروح تسما
واصعب شعور موادع انسان لانسان
منه العيون تشبه الدمع بالما
(طلال الرشيد)

لا تذكرني

لاتذكرني بحب قد مضى لي
منك انا مقوى حديث الذكريات
خلني دام الضنى والسهد سالي
لاتقلب دفتر احزان الحياة
داعي الذكرى ينادي في خيالي
والشجن يحيا بعد طول الممات
(طلال الرشيد)

ياللي جرحت القلب

ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار
(طلاال السعيد)

صمت الوداع

فارقت من لاكان ودّي أفارقه
عقب الصلاة وتوّها الشمس شارقه
بكى وأنا أبكي يوم وقّفت أودعـه
والكل منّا يذرف دموع حارقه
سلّمت ويديني بياديه ترتجف
ويديه بيديني من الخـوف عارقه
وأقفا وأنا قفيت و الصمت حيلتي
عز الكلام ودمعـة الياس فارقه
(طلال السعيد)

الحب الخالد

الحب من ربي يجي ماله اسباب
وانت الله اللي يعلم اشكثر غالي
تعبت ادوّر صاحب(ن)غير الاصحاب
مثالي بحبه...وقلبه مثالي
ايلين شفتك يابعد كل الاقراب
كامل ولله البقا والكمالي
طيب بقلبك والطبع حيل جذّاب
وان عوّدت للزين زينك خيالي
(بدر المحنا)

جيتك

لاجل الغلا جيتك من البعد ولهان
جيت فيديني وردتين وهدايا
جيتك نبي نعيد الغلا زي ماكان
ونعيد لحظات الهنا من البدايا
جيتك ابروي خافقٍ منك ظميان
جيتك ادوّر في عيونك غلايا
جيتك يديني ترتجف حيل بردان
جيتك ادوّر في يدينك دفايا
(بدر المحنا)

مهما ابتعدنا

مهما ابتعدنا واغتربنا مواليف
والله على جمع المواليف قادر!!
(بدر المحنا)

123Last ›