أبيات القصيد | مشاركات بواسطة: طلال





أبيات بواسطة طلال

حنا عزاز

لو كان عندي ما فراقك بهاين
حنا عزاز ولا نهين العزيزين
خلك تروح ولا تشوف الغباين
شاملك عفوِِ مثل عفو المساجين
(عبدالله بن عون العتيبي)

شهر نوفمبر

اشوف فيك النور ماله مقاييس
وتشوف فيني كل غاوي وشيطان
تركتني وانا رفيق النواميس
وخليتني في السجن من غير سجّان
يغفر لك الله كثر مالك محابيس
لوكان ما حنا ولايف ..حنا اخوان
الوصل عذرك يالعيون المناعيس
ان كان باقي شان والا على شان
لو شهر نوفمبر يعرف الأحاسيس
ما كان جانا وأنت ليلحين زعلان !
(سعد علوش)

احترس ياذيب..

احترس يا ذيب واحذر من زمن سادَت كلابه
الوفا بَه صار عِجْبه والغدر فعلٍ بطولي
لا تثق بالّلي تثق به بَد شكّك وارتيابه
كم عُهُرْ سافِرْ يُغطّى بْملْمَحٍ طاهر طفولي
(عبد الرحمن بن مساعد)

في غيابك ..

ابحري بي يا بعيدة لآخر حدود الأماني
يمكن نلاقي بعضنا حلم أقفت به سنينه
و إن سألتي كيف حالي لا تعانقنا ثواني
قلت لك من يوم غبتي ..اغلب الأيام طينة
في غيابك شيّ أعظم من أخاف و من اعاني
في غيابك حتى وجهي لو عرض لك تجهلينه
(ناصر حطاب الدهمشي)

قيمة العافية..

مايصغر في نظر عيني الكون العريض
مثل نظرات الرفيق البخيص الناقده
ومايقدر قيمة العافيه الا المريض
ومايقدر قيمة الغالي الا ..فاقده
(سعد علوش)

وحقك انت المنى

وحقك أنت المنى والطلب
وأنت المراد وأنت الأرب
ولي فيك يا هاجري صبوة
تحير في وصفها كل صب
أمولاي!.. بالله رفقاً بمن
إليك بذل الغرام انتسب
ويا هاجري بعد ذاك الرضا
بحقك قل لي لهذا سبب؟!
فإني حسيبك من ذا الجفا
ويا سيدي أنت أهل الحسب
متى يا جميل المحيا أرى
رضاك ويذهب هذا الغضب؟
(عبدالله الشبراوي)

تنكر لي دهري..

تنكَّرَ لي دهري ولم يدرِ أنَّني
أَعِزُّ، وَأَحداثُ الزَّمانِ تَهُونُ
فَظَلَّ يُريني الخطْبَ كَيْفَ اعتداؤهُ
وَبتُّ أُرِيهِ الصبرَ كَيْفَ يكونُ
(الأبيوردي)

شبح والا كيا

ياصاحبي ماهمني أركب شبح وإلا كيا
شيٍ يوديني عملي كل غايتي إنه حلال
وأنته حرام أنك رجل لازم يسمونك هيا
تحسب طريق المرجله رزه وكشخه بالعقال
وليا شكيت من الدهر ليته يصيبك مابيا!
كم شاعرٍ قبلي شكي وكم واحدٍ صابه هبال
(غير معروف)

عروس الشمس

آه يالرياض ..
يا شذى ورد الفياض
الغرس .. وعذوق الرطب
السيف .. وعقال القصب
هذي الرياض .. حبيبتي
في جيدها الوادي زهى
وطويق يا سوار الذهب
ومرت سنين ومعها سنين
مرت وكنا صغيرين
نجمع سواليف وحطب
ونرمي حصى اسرارنا وسط القليب!
(بدر بن عبدالمحسن)

ما يستشك

ما يستشك يا حسين كـود الرديين
والا ترى الطيّب وسيع بطانه
(عبدالله بن رشيد)

123