أبيات القصيد | مشاركات بواسطة: عابر سبيل





أبيات بواسطة عابر سبيل

توكلنا على الله

نديبي يانديبي لازهمتك في الشدايد وف
على رجل المهمات يتحزم في مهماته
على اللي كنها حر تعلى للنجوم وصف
جناحينه وهي كنها تقلده في حركاته
على طيارة حربيه فيها رشاقة خف
عدد لمباتها يجهر هل البطحا ولمباته
علي كن التفاتتها الى قامت تبى تلتف
تلفاتت بعير يسرق عيونه على اماته
وليا من روحت يم المدرج والثقال تخف
صمت هرجي من عجوب الزمان وطول سكاته
والى من تساوت في السما وابطت وهي تردف
قعد ركابها يفرق ذنوبه من حسناته
(محمد بن الذيب)

طاحت دموعي

ذكرتك وطاحت دموعي من غلاك ومااستحيت
إلاوقفت اصيح في دمعي غلا واستعجله
ماهو بعيب إليا بكيت اللي على بعده بكيت
رجال وابكي لي على رجال وين المشكله؟!
(محمد بن الذيب)

تحب غيري ثلاثة

فديت كبد الهنوف اللي من اللمسة
تسكر كن الخمر مصنوع في حناياها
وراثة القلب لا ثمنه ولا خمسة
والذ واشهى علوم الحب واحلاها
هي غد من قوت يومه من رغيف امسه!
في ساعة لا تذكرها تمناها
تحب غيري ثلاثة اربعة خمسة
لهم الاحاسيس وانا لي ثناياها!
(محمد بن الذيب)