أبيات القصيد | مشاركات بواسطة: مالي غيرك





أبيات بواسطة مالي غيرك

لا تروح

لا تروح
ثم أخاف
ثم أصير بغير روح
لا تروح
مابي أكثر من إيدينك
لما تهزمني الجروح
(غير معروف)

أنادي لك

وأنادي لك ونبراتي بدمع الشوق مختنقه
مع وعدي على عهدي على حبي وميثاقي
وأغطي صورتك بين الكفوف ونظرتي سرقه
وأحس إنك رحلت بعيد وأنت داخلي باقي
(قمره)

أبيك

أبيك الجاي من عمري, أنا مابيك شيء وراح
مدامك أجمل وآخر, مدامك أول أحبابي
أبي أرتاح ياعمري أنا أدري هم تبي ترتاح
تعال وقبل ما أفرح, ترى تفرح بك ثيابي
أحبك يابعد عمر الحزن والجرح والأفراح
أحبك كثر ما نامت عيونك داخل أهدابي
(سالم السيار)

قمر

القمر من فيكم أنت ولا القمر ؟
والا أنا بس شايف مثل ضيك ضياه
جيت كلك عذوبه جيت كلك نظر
ياهنا قلبي المشتاق ولاشقاه
(جمعه بن مانع)

لاتسافر

يعني لازم هالسفر ؟
لاتسافر...
أجل السفره لباكر..
لوبيدي..بلغي الرحله
واقطع هاالتذاكر!
(غير معروف)

أغليه

هذا الذي من بد خلق الله أغليه
وهذا الذي اطلب من الله رضاته
هذا الذي ياناس أموت أنا فيه
وأضيع لا من قال إني حياته!
(فيافي)

بنت مغرورة

أنا ماجيتك أشكيلك ولا أبكي على صدرك
ولا أدور عن أحلامي في قلب ميت شعوره
أنا وان رحت والا جيت مجرد ماضي بعمرك
مثل لعبة تسليني بها والحين مكسوره
وإذا يهمك تعرفي ليه رجعت انا رغم غدرك
أحب أقول لك كلمه توضح خافي الصوره
رجعت أقولك ياما كرهت بداخلي كبرك
وكانت فكرتي عنك مجرد بنت مغروره
(غانم الفارس)