أبيات القصيد | مشاركات بواسطة: نزف





أبيات بواسطة نزف

صل الفروض..

صل الفروض وزكاتك لا تخليها
واغنم شبابك قبل مايقصر العمري
لا تقول بكره عباداتي ابقضيها
ماتدري تموت والا تعيش ماتدري !
(رآشد العجمي)

لاتغيب ارجوك..

لاتغيب ارجوك ياعمري أخاف !
ينتهي بي الياس داخل مسرحة !
والصباح يموت من هذا الجفاف !
وانت ماتلقى حبيب ٍ تجرحه !!
(بركات الشمري)

الحال واحد

حالي وحالك حال واحد بلا شك
وانته تقول إبعد وخلك لحالك
ماتدري إني ياهوى غايتي لك
وشلون تقطع عن محبك وصالك
ان جيتني والهم بالقلب مشغلك
قلت ابشر بعزك وقلبي حلالك
واليوم زاد الهم عندي وادورك
واثرك تغلا يوم غرّك جمالك
لكن نصيحه يوم انا جيت ناصحك
ترى الزمن وان طال بك ماصفالك
احذر من مخاواة شخص ٍ يجاملك
لامن بغى له حاجة ٍ منك جالك
هذي نصيحه وانت عقلك يحكمك
وان كنت تتجاهل فمالي ومالك
(عبدالله العتيبي)