أبيات بواسطة احمد ال فهادين

حبيت اسلم

كنت اتمناك لو مريت في بالك
تذكر عهود الوفا في وقتنا الخالي
وتذكر ليالي هوانا والبخت سالك
من قبل يصبح بختنا كاسد وبالي
(سليمان الشاردي)

حبيت اسلم

حبيت اسلم واعرف اليوم وش حالك
من باب حق الوصال وقدرك الغالي
وبعد السلام وسؤالي عنك واحوالك
كنت اتمناك لو تنشد عن احوالي!
(سليمان الشاردي)

لا صاحي ولا اقول مجنون

ادق لي  رقمٍ وراعيه مدفون
حسبت جواله ليا دق يوحيه
ما اقول لا صاحي ولا اقول مجنون
اقول ملهوفٍ على صوت راعيه
(عبد الرحمن الحربي)

اعتذر..

اعتذر واللي لك ان عذرك يمشّا
ما يدقق فالعذر بين الولايف
ما تعوّدت .. اترجّا واترشّا
لا تهملني.. وتاكلك الحسايف
(محمد بن فطيس)

قلت خله ينبري

قلت : خله ينبري لـ /اللي براه
وان بغى يفنيه.. ماني معترض
شاف شيٍ في حياته ما هقاه !
والحزن من ثوب عافيته قرض
(محمد بن فطيس)

عجباً ..

عجباً لأمرِ العاشقين لِمَا ارى
لا يكره المَجني عليه الجَاني
(محمد بن فطيس)

اهدني

‏ربي تهدي من تشاء من عبادك وتغوي
ﻻ إله إلاَّ أنت لا خاب من لاذ بحماك
اهدْ قلبي وثبته على الصراط السوي
وآت نفسي تقاها قبل ياتيها الهلاك
(سليمان الشاردي)