أبيات بواسطة تركي

زهرة شبابك..

أكبر قهر تبني من سنين بنيان
وتشوف بنيك ماتعدى ترابك
واكبر قهر تسقي من الورد بستان
وتموت بين يديك زهرة شبابك
(الشريف مشاري العبدلي)

بعض الحكي

ماكل مايطرى على البال ينقال
بعض الحكي مايستحق المقوله
احرص بقولن له تعابير وامثال
كل من سمع هرجك يلتف حوله
ترا البشر تعطيك الوان واشكال
واحذر على عقلك لحدن يطوله
كم واحد ولى زمانه وغدى عال
عال على نفسه وعلى من يعوله
وكم واحد اثبت وجوده وغدى فال
فال على ربعه وعلى من حكوله
(فهد عبدالله الماضي)

بقايا وداعي

خذي بقايا وداعي وارشفي دمعي
وداعي اللي ذبحني بطعنة احبابي
وان كان حزني تكاثر واحتوى طبعي
لا لا يهمك حزين ٍ يسكن اعتابي
(الشريف مشاري العبدلي)

أجامل

أجامل وقتي الظالم..احس الكون فيني ضـاق
وأجامل من يمازحني بضحكه حيل كذابه
(غير معروف)