أبيات بواسطة جابر الوافي

آشوف نفسي بعيد

مادام عند القريب آشوف نفسي بعيد
مالي ومال البروق ولو صدق نوّها
مايجلي الهمّ والغربال بيت القصيد
لاشك الابيات تـُـطرب لارحل جوّها
العمر ينقص ولكن التجارب تزيد
وعدّلت مرّ الليال بطعم محلوّها
اصبحت بين الحلو والمرّ ساعي بريد
والصخره اللي على قلبي مهي توّها
(مضحي الرويلي)

أبحث لين تلقاني

للقائمة روح وأبحث لين تلقاني
وأضغط على الزر الأخضر ثمّ كلمني
أريد صوتك مهو لأجلي ومنشاني
لأجل الغلا اللي من أغلا النوم حارمني
يامحمد الفين صدقاني وخلاني
ولافيه واحد من الالفين فاهمني
اعامل اقصى خوي عدّة من اخواني
وانا ادري بعد يومين صادمني
مدري هو اني مااعرف اختار صدقاني
او إن بي عيب خافيني وضايمني
(مضحي الرويلي)

يافتنة الحفل

ياحظ منهو يوم يمشي مع الناس
ماوسط قلبـه عالم مشغلينه
عالم مشاعر تسكن انسان حسّاس
بأسبابها لْحاله يشكّـل مدينه
ساعة يودّونه على حفرة الياس
وساعة يحطّون الأمل صوب عينه
يافتنة الحفل الغرامي والاونـاس
جاك الغرير وحاولي تملكينه
(مضحي الرويلي)

رحت فيها

الحكي واجد مار مدري وش آقول
بس الوكاد اني معك رحت فيهـا
(مضحي الرويلي )

البخـت شـح

قهرني الوقت الردي والبخـت شـح !
وأجبرني الغالي على طمـرت السـور
ياصاحبي صوتي وانا آصيح بك ..بـح
أبغى وصالك وانـت لاهـي ومسـرور
فهّمتني طـرق الهـوا يالغـلا صـح
واصبحت فيها جامعي .. قوول دكتور
ان قلت روّح جيت! وان قلت لي رح
أروح ..وبطاعة أوامرك ..معذور
(مضحي الرويلي)

ديك القلب

يامل قلب ٍ تقل في داخله ديك
لاشاف محبوبه تنهـّض و عاعا
(مضحي الرويلي)

اكلتها

( اكلتها ) يازين من بعد فرقاك
( رحت بخرايطها ) ودجّيت معها
القلب ( يلذعني ) إذا قلت ابا انساك
والروح ( ماطور المودة ) دفعها
والعقل ( خبط ) من تغليك واجفاك
(وسيور قلبي ) كثر صدك قطعها
( سلف الفؤاد ) بدورته شال الاسلاك
(وحنتور حبي ) فرجته ماقطعها
قالوا لي ( انتع ) قلت مافيه محراك
( النتع ) لو به نفع مبطي نفعها
(مضحي الرويلي)

ماني ولد نعمه

أنا ماني ولد نعمه ولا منصب ولا زحزيح!
بشر عادي وهالدنيا تصارعني وأصارعها
اسير بدنيتي وادروبها عكس اتجاه الريح!
وأعاندها واذا هي صمّلت بالراي اجي معها
(مضحي الرويلي)