أبيات بواسطة جــــود

سلمّ خالي وعميّ

الوقت وقفنا على درب مسدود
الله يسامح سلم خالي وعميّ !
والله ماخذت من التقاليد ياكود!
جرح اللهاة وكسرقلبي وهميّ
(غير معروف)

انكساري

انكسرت من الفراق وشوف عيني
شوف عيني وانت تدري بـ انكساري
كل ما مديت لـ وصالك يميني
رحت تتجاهل يميني مع يساري
حتى صرت اشوف جرحك في يديني
في يديني جور صداتك مواري
حس فيها لا.. بلاها حس فيني
لا تعبرها لكن رد اعتباري
(سعد علوش)

خمسة أنهار

أنا مخلوق من خمسة أنهار
حزن وألم شعر وخيال وشجاعه
بيني وبين الحظ مشوار
همي سنه وأفراح دنياي ساعه
(غير معروف)

مليـــت

مليت من هالأماني.. دام مهي ممكنه
لاهي تحقق.. ولا يأسي بوجهي يبين
إلوين أنا وأنت..مثل الشمس والأزمنه
مع كل صبح يجددني لشمسك حنين
أبيع عمري لجل أنساك..أو أرهنه
وأعيش ليله..أقول إن جيتني..إنت مين؟؟!
(طلال الرشيد)

جرحي الصعب

أحبك..كل مافيني يحبك ياخلي البال
تخيلتك دواي وصرت جرحي الصعب ياخلي،،
تعبت أسافر في وجيه البشر بأنساك بالترحال
ولاأدري وش يجيبك في وجيه الناس وأهلي
(طلال الرشيد)

ذكراك

رحلت إنت وتركت بداخلي طيفك وصبر طال
غدت ذكراك شمس ماتغيب وصورتك ظلي
حكيت ومالقيت من الحكي إلا الندم موال
سكت ومت بالحسره ولاادري وش هو أحسن لي
تخيرت الفراق ومادريت إن الفراق وصال
أقول إني نسيتك بس ماادري كيف تاصل لي؟!
(طلال الرشيد)

يبان الشوق

يبان الشوق في عين المعذب
ويبقى الدمع تذكار الأحبه
على العشاق مافيه شي أصعب
من فراق الأحبه للأحبه
ولابه شي في هالكون أعذب
من عناق الأحبه للأحبه
(خالد بن يزيد)

من بادي الوقت

من بادي الوقت وهذا طبع الأيامي
عذبات الأيام ماتمدي لياليها
حلو الليالي توارى مثل الأحلامي
مخطور عني عجاج الوقت يخفيها
اسري مع الهاجس اللي مابعد نامي
واصور الماضي لنفسي واسليها
(خالد الفيصل)

عشاق النصيحه

اعذلوني فيك عشاق النصيحه
وانشدوني عنك طرفين الحكيه
إن شكيت من الهوى قالوا فضيحه
وإن سكت استنقظوا جرحي عليه
كيف بخفي الحب وجروحي صريحه؟
كيف احجب الشمس ياخلي بيديه؟
من عذلني بالهوى الله يبيحه
ومن عذرني ماحصل مني خطيه
(بدر بن عبدالمحسن)

لوعة الحب

ياعل قلب ماشكا الحب والتاع
تنهار من فوقه محاني ضلوعه
ياما نهيت القلب لاشك ماطاع
ماطاع يدله والليالي تلوعه
أثر المولع دمعته تجرح القاع
وإلى ذكر مافات هلت دموعه
(خالد الفيصل)

12