أبيات بواسطة زيزفون

بياض الوجه

تراك مازلت تتبعنا على الجِرّه
من عاد حنّا على ظهور البعاريني
قومٍ يدينا تحوش المال وتثرّه
على بيوت الارامل والمساكيني
لو نملك الكون من بحره ليا برّه
ما نمتلك به عمارات ودكاكيني
وان كان نفسك من المليون منغرّه
يكفيك .. وأنا بياض الوجه يكفيني
(سلطان الهاجري)

يا رفيق الدرب

يارفيق الدرب ملّينا نصارع
همّنا حتى من الديرة قِرفنا
إن خرجنا ضايقة فينا الشوارع
وإن دخلنا ضايقة فينا غُرفنا
(عبدالمجيد الزهراني)

غلو الحب

‏إي والله احبك وسايقني على حبك غلو
‏أشد من غلو التزام الدين عقب الهسترة
(سعد بن جدلان)

مواري الصيف

‏هذي مواري الصيف ، ولّا تباطيت
‏قربك.. و حسيت بدفاك يتنصّت
‏من وحشتي في كلمة أبغاك غصيت
‏حتى عيوني.. بحاير الدمع غصّت
(أحمد الطرقي)

قرض

‏يوم أنا له قلت : عطْني
‏ما عطاني غير قرض
‏هو تناسى كيف يبني
‏واحدٍ ما عنده أرض !
‏(محمد النفيعي)

اهل النمايم

اهل العمايم والنمايم والاصحاب
مد الحبل في ذمهم واحتطب به
(بن لعبون)

العبد

العبد عبدٍ هافيات عموقه
ان جاع باق عمومته وان شبع ماق
والحر حر ينهضنه سبوقه
والبوم يلعي في الخرابات خفاق
(بن لعبون)

هاتها يا ساقي

رمضان ولى هاتِها يا ساقي
مشتاقةً تسعى إلى مشتاقِ
ما كان أكثرهُ على أُلافِها
وأقلُهُ في طاعة الخلاقِ
الله غفار الذنوبِ جميعها
إن كان ثمَّ من الذنوب بواقي
بالأمس قد كنا سجيني طاعةٍ
واليوم منّ العيد بالإطلاقِ
(احمد شوقي)

الدمعتين

والدمعتين اللي تململ بجفني
البارحة مع سجدة الليل طاحن
(عايض الظفيري)

كنك دوا

تقول كنك دوا مخلوق للضيقة
كل ما تجي وسط بالي زانت أحوالي
(سعد المطرفي)

123Last ›