أبيات بواسطة سعد الهديرس

رمضان...

رمضان قد زِنت السماء برحمة
فُتحت بمقدمك الجنان الثمانية
صوم وصدق وإبتهال ودعوة
عاليت بالأجر الجبال الرواسي
لك الحمد ربي أن رددت مداره
لكن رجائي لا ترد دعائي!
(غير معروف)

أبرحل

أبرحل في هجيج العُمر ظـلٍّ يمتطـي فرقاك
زهابي طعنتي ،ملحي ،حنين أمي وأناشيدي!
وأبكْنز عزتي وأعزف وطن يشدو على منفاك
وأبسرق من تراتيل القمر نايات تضميدي!
(ندى القحطاني)

ماعلى الدنيا حلات

والله انه ماعلى الدنيا حلات
لو نبت في أراضيها ذهـب
أختبار(ن) للنفوس العاصيات
ومن غرق بذنوبها يعني رسب
(خلف بن هذال)

جدة غير

أشلون كل الديار سيولها نعمه!؟
وسيولك انتي عـزاء واكفان ياجـده!
(نجلاء الشريف)

أيام

أيام راحت بي وراحت على خير
مرت على عمري مرور الثواني
أيام كانت غير.. في ذمتي غير
أحيت يباس عـروق ذيك المحاني
(أحمد العبدلي)

هامة المجد

مابنى المجد والتاريخ صاحب جهل
المواقف تبي اللي ينتحر دونها
هامة المجد صعبة ماتجي بالسهل
تنحني هامة الشجعان لعيونها!
(حمود البغيلي)

الدمع ماهو عيب

الدمع ماهو عيب رح علم اللي
يقول عمره مابكى في حياته
الدمع مايقطع صلاة المصلي
والضحك مثل إبليس يقطع صلاته
(فهد المساعد)

مجد بلادي

الله البادي .. ثم مجد بلادي
ديرتي .. غيرتي
حبي اللي في العروق
جارفٍ .. دافي .. صدوق
حالفٍ ما أشـرب و أذوق
غير حب بلادي
(بدر بن عبدالمحسن)

الحر

يمه الحر طبعه يعشق القمة
وأنتي اللي فطمتيني على أطباعي
الهواء دام راسي حي ويشمه
والله اني لاسوق هناك ذعذاعي
(ناصر القحطاني)

يا عيد

ياعيد مالك نظرة ٍ في عيوني
نـسيتني والا زماني نساني
ماقدرت أفراحك تعانق شجوني
أحزاني أكبر من كلام التهاني
حاولت أجاري فرحتك وكشفوني
لا جيت أبضحك ما استمرت ثواني
(صنيتان المطيري)

123