أبيات بواسطة سميره ناصر

أرخص الخامات

يا أرخص الخامات وش أنت من نوع
خسران شرايك وكسبان جالبك
نويت اعذر فيك والراس مرفوع
ماني ولد عمك ولا من قرايبك
أصعب عليك القرب من حبة الكوع
تسلّ بالحسرة وعضات أصابعك
نهايتك..آهات..وأحزان..ودموع
وبدايتك عنوان قصة نهايتك
لو ماتت الرغبات من شـدة الجوع
ما أطلقتها ترعى الحيا في مرابعك
(سعود الحارثي)

شوفتك وصفه

كل الجميلات كفه وأنت في كفه
مافيه قبلك ولا بعدك جميـلاتِ
الملح في وجنتك والشهد فالشفه
حلاك ذاتي وملحك يا حـلا ذاتي
يانهر من ماك للصادي على الظفـة
شربة تبل العروق وتطفي آهاتي
جيت الطبيب وكتب لي شوفتك وصفه
بيديك وحدة كياني وأنقساماتي
(سعود الحارثي)