أبيات بواسطة سنام

لا تحسد الأمير..

ومن جرب الحاجة وروحه كسيرة
يفرق عن المرتاح .. وابو الملايين
لاتحسد الأمير ،،، وإلا الاميرة
وأوصيك لا تضحك بناسٍ ضعيفين
ولاشفت وجه المبتلي ،، لاتثيره
افزع له بدعوة ،، وحث المصلين
(مبارك الحجيلان)

ليت لك شبيه

ليت لك في وجيه الناس مثلك شبيه
وليت لي في غيابك طول بال وصبر!
ياكثر ما تخيلتك ملامح وجيه
وياكثر ما بكت عيني وفاضت صور!
(صالح السكيبي)

خصيم الشجاع

ماني خصيم الضعيف اللي مرده تبع
أنا خصيم الشجاع اللي عليه الكلام
(سعد براك العازمي)

يا مزعلني

يا مزعّلني .. وانا مجنون فيك
والله ان مابي خلاف وما علي
انت لا زعلتني ما ازعل عليك
انت لا زعلتني .. ازعل علي !
(سامي العرفج)

الضيف ..

ياحمود شب النار والرزق مضمون
بيدين ربٍ عالم الكون محصيه
ودن الدلال واترك الهم مركون
والا اجدعه بالنار تاكل بواقيه
وفل الحجاج وازهم الناس يلفون
شوف الرياجيل يقتل الهم يرديه
الضيف لامنه لفى كنه مزون
يحيي هشيم القلب ويطرد بلاويه
اليا لفاني عز واليا سرى عون
سبحان منهو في عيوني محليه
واليا جلس في مجلسي قلت ممنون
مسناده الخافق وعيوني مراكيه
(يزيد بن عبدالله الماضي)

زودينا

زودينا من حسن وجهك ما دام
فحسن الوجوه حال تحول
(المتنبي)

أواه ان نظرت

أواه أن نظرت، وإن هي أعرضت
وقع السهام ونزعهنّ أليم
(ابن الرومي)

نحن قوم

نحن قوم تذيبنا الأعين النّجل
على أننا نذيب الحديدا
(أبوفراس)

إلا العيون

إلا العيون ابخل بها مقدر اعطيك
وش فايدة دنياي من غير شوفك
(علي القهيدي)