أبيات بواسطة محمد عماش الشمري

في مركبي

لا لا تحسب انك على قلبي أثرت
أو تحسب اني من فراقك جزوعي
لا تحاول أخضاعي تراني تجبرت
وأبعد عليك من الثريا خضوعي
(منصور الشمري)

شفت الجمال

قربت منها قلت يابنت تكفين
حبه على الطاير ترى القلب ذابي
وطالع وانا طالعت بالعين شخصين
وصاح الوليف وقال ياخرابي
ما أدري من الجيران ولا حسودين
ياعلهم للنار يوم الحسابي
(منصور الشمري)

أرضى الضما

أرضا الضماء ما أطلب من النذل ميا
وأموت جوع ولا أقصد الناس شحاذ
حلفت أنا ما أطلب من الناس شيئا
وضلعي على حقي حديد وفولاذ
(منصور الشمري)

حلفت أنا ما أشكي

دنيا تفرق ياسعد ماتلمي
شره يعم وخيرها خص ماعم
يا أخوك انا منها أرتفع ضغط دمي
حتى نحلت وصرت عظم بلا دم
(منصور الشمري)

مديت يدي

مديت يدي يمها وصافحتني
وليتي سلمت ولا لها اليد مديت
حسيت انا في شيء يوم امسكتني
شيء كما الكهرب نتلني وفزيت
(منصور الشمري)

شوهتني

أن رحت يمك شرق ترجع مغرب
وشوهتني بين الاهل والاقارب
والناس كله تستشير المجرب
وعنك نصحوني سابقين التجارب
(منصور سعدي الشمري)