أبيات القصيد | مشاركات بواسطة: سالم الكعبي

مشاركات بواسطة سالم الكعبي

الليالي والبرد

في زمان كنه البرد .. شبيت القصيد
قلت ابدفا والليالي تموت ببردها
في طريق كنه الموت ولحالي وحيد
قلت ابحيا والمنايا تبوح بسدها
أتقارب هقوة العمر لو كانت بعيد
واتغني بالمقابيل واخطب ودها
لاقديم الجرح يقوى ولاجرح الجديد
يخلف الناس العزيزه عن اللي ودها
(مساعد الرشيدي)

استعرض

سهم المنايا

إرفعي سهم المنايا يالعيون
مابقى فيني مكانٍ للطعون
كل شبرٍ فـي حياتـي إنجرح
و الذي شقّوا خفوقي يشتكون
يا العيون الطاغيه خفّي علي
كبرت اللّي باوّل ايامـي تهـون
في عيونـي دمعتين واقفه
ردّت الايـام دمعي بالجفون
(خالد الفيصل)

استعرض

غربة الروح

قامت تعاظم غربة الروح يا سعـود
يالله دخيلك و استجـدّت جـدايد
تغرّبت وسـط الجسـد روح مجحود
في دارهـا وشلون راحـت بدايد
والشوف ذاب و خالطت بيضها سـود
و الزّود نقص وناقص العلم زايد
من اول(ن) و الطيب للناس مقصـود
و اليوم صـارت طيّباته شـرايد
(خالد الفيصل)

استعرض

الحي والميت

كم قتيلٍ حيّ في وسط اللحود
فـي سبيل الله موته والحياه
وكم سليمٍٍ ميتٍ ماله وجود
ولو يموت اليوم ما حـيٍ نعاه
(سعيد الحمالي)

استعرض

الشجاعه

مات الشجاع وما تموت الشجاعه
وعاش الجبان وعيشته كالمماتي
الموت حق وما ترده شفاعـه
وكلن يزوره صبـح ولا بياتي
(سعيد الحمالي)

استعرض

الحر والوز

محدٍ يعاف الحر ويبرقع الـوز
يربط سبوق الطير في ساق وزه
سيفٍ صقيلٍ لكن القلب مهتز
والسيف فعله من يد اللي يهـزه
(سعيد الحمالي)

استعرض

شعور وفاء

صديقي لو يبي نفعي ؟نفعني!!
ولو يلحقه من نفعي مضرّه
ولامن ضـامـني وقتي رفعني
وضـحكة ناجذي دايم تـسرّه
وزماني لو يبعثرني جـمعـني
خشـيري في الزمن خـيره وشـرّه
نويت أهـينك ولكن مـنعني
شعورٍ بالوفاء !!! لله درّه
(سعيد الحمالي)

استعرض