مشاركات بواسطة عبادي

ترضين ؟

ترضين أحد ياخذ افوادك ويلعبك
إن كان ترضين ؟ ذا حقي وماجاني
تجاهلي مغرمك وتصاغري صبك
كنّك ماتدرين عن حبي وتحناني
اجمل قصايد علي الحمري مايكتبّ بك
لولا الملامه على اسمك جبت قيفاني
فلاتقولين حط السر في قلبك
اللي بقلبي يجي دايم على لساني
اهواك في صمت لامطرّ لك ولا هبّك
وبشرط ماعاد ابسمع كلمة انساني
وكيفك اذا ماتحبيني انا احبك
حتى لو انتي على ذمة رجل ثاني
(علي بن حمري)

أنا افدا ظلها

تجي مثل الفجر لو الفجر ماهوب دوم أعياد
أنا افدا ظلها.. لا والله افدا ظل مندوبه
تسولف للندى يسهر على النرجس يبي يزداد
تغني للمطر .. لليل .. تصيب الكون غيبوبه
وأبد ماكنت أحس بلسعة الكرباج والجلاد
إلين البارحه دمي .. عواذيلي تقهووابه
وأنا وش جابني للحب مادام اللي مضى مافاد
أنا وش لي ووش للموت لجل عيون رعبوبه
حبيبي لا تعلمني أبد كيف أرضي الحساد
حبيبي لا تعلم جسمي إن الروح منهوبه
(عبدالمحسن بن سعيد)

آصوم

أصوم .. ما صام عنّك يالغضي قافي
لا صار من ريقك الحالي خذا رشفه
لا صارت الناس تفطر قشطة الصافي
أناعليك افطر من الشوق واللهفه
(غير معروف)

يقولون لا ضاقت عليك

يقولون لا ضاقت عليك الوسيعة غنّ
وأنا آقول شفت مقرّد الخلق وش قالت؟
(مساعد الرشيدي)

كيف كيف ؟

قال كيف ؟ وقلت آنا له كيف كيف ؟
بعد هـالمده تقول إنك وفي
زل صيف وزل صيف وزل صيف
من ثلاث سنين وينك مختفي
(خليل الشبرمي)

كـم لـي ؟

يادرب موحش ليتني مامشيتك
ما كان أنا شوكه..نبت حولها صوف!
(عبدالله الأحمري)

بقالي عزتي

بقالي عزتي ياللي على اللي ماسواها تمون
وأظنك ماسمعت بعاشق قلبه عصاه وداسه
أنا الحطاب في قاع جرد مابه أي غصون
حداه البرد والليل الطويل وشب في فاسه
(بدر بن عبدالمحسن)

يانكهة العناب

يانكهة العناب .. يالذة التوت
لولاك ماشافوا المخاليق شعري
وأنا ماحبك موت إلا أعشقك موت
عشقِ نثرته فالورق مثل حبري
(عبدالعزيز المطلق)

كلنا آسفين

سبب إتصال الأوادم دافع الأشتياق
يا آسفه كلنا في ذا المكان آسفين
أما أعتبرها كذا صدفه بدون إتفاق
حنا كذا شاكرين الوضع ومقدرين
وإلا أعتبرني على جوالكم داق داق
تبغى المنبه على هزاز وإلا رنين
(سعد بن جدلان)

ضعيف النفس

ضعيف النفس نسونجي يشوف بعينه الاطباع
يحسبني مثل ربعه يسوق بضاعته ليه
أناأشري لابغيت اشري ولاني مساوم البياع
إلى من قاللي ميه عطيته فوقها ميه
أنا أكتب لجل من يقرا ولاأرجي من يقول إبداع
وأبد لاتحسبن مثلك يشكلي أهميه
ترى ياهيه لامني نويتك بس اطق اصـباع
يجيني الف شيطان ووراهم الف جنيه
(خلف مشعان)