مشاركات بواسطة عـــمـــر

النأي والبعد

وَقَد زَعَـمُوا أَنَّ المُحِبَّ إِذَا دَنَا
يَـمَلُّ وَاَنَّ النَّأى يَشفِى مِنَ الوَجدِ
بِكُلٍّ تَدَاوَينَا فَلَم يُشفَ مَا بِنَا
عَلَى أَنَّ قُربَ الدَّارِ خَيرٌ مِنَ البُعدِ
(ابن الدمينة)

يارب..

يارب لامني ذكرتك وصليت
وذكرت عفوك وانت لاضقت عوني
ضحكت ضحكة طفل لاهي وسجيت
ماهمني لو الجميع اخذلوني
(سليمان المانع)

يا موطني

ياموطني ياالموطن اللي ماعرف مجدك فنا
خيرك وصل اقصى البلاد العالميه والمدن
ياموطني انا هنا..انا هنا..انا هنا
شبحك ألما بعد الحظن ينسيك من وسط الحظن
ياموطني أظّلم عليّ الوقت .. وأتحرّى السنا
ويزيد في عمري زمن ويروح من عمري زمن
ابغى ارضي الشيبان وارضي خاطري بشوف الظنا
لكن ماباليد حيلة آآهـ.. ياشين الغبن
طقيت باب الرزق لكن مافتح والله لنا
كنه يقول: السير يافهمان لازم يندهن
طقيت باب الرزق لكن مافتح والله لنا
كنه يقول: افلح وجب لك واسطه والا استكن
قلت اشهد ان لي واسطه والواسطه يابو جنا
حب الوطن والروح في حب الوطن تدفع ثمن
(سعيد بن مانع)

عتاب عاطل

فقير ماشفت الغنا..مآني من عيال الغنا
لكن اذا نآدى الوطن؟ اتسلف ريال الكفن
أثور من دونه وانا سعودي وانا طيّب جنا
منهو يشكك في ولائي فالسريره والعلن
ياموطني..هذا عتاب أحباب..جعل اللي شنا
يلقى البلية والمصيبة والمهونة والوهن
خمس اسنواتٍ عشتها عاطل ولا هو بس أنا
كم فيه من عاطل بوسط الوقت همّش واندفن
نلت الشهاده والفرح برقه سبق رعد العنا
هذي الشهاده ياوطن وين الوظيفه يا وطن؟
(سعيد بن مانع)

أحب الناس

أنا لله احب الناس و اكرههم كذا لله
حسافة ليتني لله منهم انكره و انحب
(عبدالله الكايد)

كيف أنسى

كيف أنسى جرح من يد الخدين !
من بعد ماهد كل اللي بنا!
ليه يتركني وانا بعت الثمين !
ولاجل عينه كل ماعندي فنا!
(فواز الفهيد)

أقرب الناس

إن كانها ياصاحبي بالمسافات
عزالله انَّك اقرب الناس مني!
(فواز الفهيد)

عيونك

وعيونك اللي تكحل بالدجى وتقول الأشعار
الله يخلي هدبها لي ويرحم والديها
(نايف صقر)

أدري ندمت

ادري ندمت أنك تهاديت وياي !
وادري ندمت أنك تعلقت فيني !
زهرة شبابك توها تشرب الماي !
حرام تذبحها على شان عيني !
(فواز الفهيد)

احضنيني

احضنيني و اسمعيني للأخير
و اتركي عنِّك سواليف البعاد
الصدر من زحمة أيَّامي ضرير
عاد تبغينه يفارق له بلاد?!
أبك أنا لامن حضنتيني اصير
زي عشِّ(ن) فارقه طيره و عاد
(ناصر الدهمشي)