مشاركات بواسطة فهد الماضي

يابو فهد

يا بو فهد والله جنت جنوني
قلبي يلفة ألف خنجر وخنجر
هم مادرو في كل طعنه طعنوني
أسيل كلي عشق والحب يكبر
ياكبرهم.. يا صغرهم في عيوني
رغم القليل ألمر أنا دايم أكثر
(علي مساعد)

سمان الهرج

أنا مثل صقار تولع بحب الطير
ولف قلبه أفروخ الصواريم وهبلته
تولعت في فرخ قضيب يتل السير
أبي لمحة من نضرة الحر وإسبلته
صغير بسنه غير عندى ماهو بصغير
يا مغلاه في قلبي وياكبر منزلته
أجمع له اسمان الهرج خوف من التقصير
ولا جيت بشرح له كلامي تهيزلته
(سعد بن جدلان)

اصعب اللحظات

تصغر الدنيا في عينك
والهنا يصبح الم
واللي عيشته فغرامك
عيشك بأكبر وهم
بعدما تعطيه عمرك
روحك احساسك وحبك
تكتشف في لحظه انه
كان يلعب بس
في قلبك
(سعود الشربتلي)

اصعب اللحظات

اصعب اللحظات لحظه
يخدعك فيها حبيبك
اللي عطيته حياتك
قسوته تصبح نصيبك
لما يتغير وينسى
لما يتكبر عليك
وبعد عشره طويله
يسحب ايده من ايديك
(سعود الشربتلي)

جروح الناس

انا لو لي قلب معدوم الضمير
والله ما جيتك ولا قلبي كسير
لا ترد اللي وصل بابك وجاك
اللي ماي عيونه لو تطلب عطاك
كل لحظه تمر من عمري سنين
وانا من فرقاك ذابحني الحنين
ما احس بدنيتي الا معاك
ما يعوضني هواك.. الا هواك
(علي مساعد)

عام جديد

الله ياسرع الليالي والايام
الوقت يجري والليالي سريعه
باقي قليل وتنطوي صفحة العام
جعل السعادة والسعد لك تبيعه
(غير معروف)

حتوف المقادير

لابد للعسر المنوخ مياسير
ولابد ماتقفي النذارة بشارة
العبد ماله عن حتوف المقادير
واللي كتب لو هو بصندوق زاره
(عبدالله بن ربيعة)

سموم ولواهيب

أحدن على ربعه شجرةٍ مظله
وأحدن على ربعه سموم ولواهيب
وأحدن وجوده بس بلشه وعله
وأحدن وجوده يبري الجرح ويطيب
(غير معروف)

اشتقت للمغرب

اشتقت للمغرب وانا توني جاي
الله يصبرني على نار شوقي
ياللي تريد ادواي بالمغرب ادواي
ودني له لعله ينطلق فيه عوقي
(عبدالله الفيصل)

يابنت

يابنت كبي عنك واحد مايصلي
تارك عمود الدين مالك وماله
(بندر بن سرور)