انتي وانا والشوق بالحب نلتم
ما احد سوانا والمخاليق تدري
دامك معي لا يضيق بالك وتهتم
خلك سعيد وخل همك بصدري
هذا عهد و العهد لاحلامنا لم
اما سوا و الا هنايه بقبري
(وسام العصا)
غالي ولك كل الغلا وانت مسموح
لو طال بعدك وامتلاء قلبي جراح
بعدك عذاب اتعب القلب والروح
وقربك يريح القلب والروح ترتاح
غلاك ما هو هرج يقال ومزوح
مثل النجم ثابت وبالشوق هو لاح
(وسام العصا)
صاحبي طالبك لا تقسى عليه
دام قلبي والمشاعر لك سبايا
لو جروحي من سببكم سرمديه
بك يهلي القلب من قبل الشفايا
من عرفتك اصبح لقلبي هويه
لأجل انك ساكن بوسط الحنايا
شف عزيز النفس يطلبك الحذيه
وصلك اللي منه انا جروحي برايا
(وسام العصا)
كم سؤال مات في صدري جوابه
وكم اجابه حية قبل السؤال
السؤال يتيه في ليل سرا به
والاجابه ثابته في كل حال
والسؤال اللي له بنفسي مهابه
ليه احبك حب جاوز للخيال
(وسام العصا)
ما يموت العز في قلب الحشيم
ولا يضيع العرف برجال حشام
للصداقه نور بالليل البهيم
مثل نور الشمس لا زاح الظلام
تمتلكني فطنة الرجل الفهيم
كن بين الطيب ومابينه هيام
والمثل قالوه من وقت قديم
ما تخاوا الحر مع فرخ الحمام
(وسام العصا)