مشاركات بواسطة ميس بوو

تكـذب وتحلف

تكذب وتحلف ومن باب إنك الواضح
وتتوقع إنك بعد هذا بتقنعني
وش ذنبي إن كان حظك دايم طايح
كل شي فيني عن مواصلك يمنعني
بانت حقيقة غلاك ولاني مسامح
ووخر عيونك شوي...ولاتطالعني
فهمتك من أول أنك منت لي صالح
وحتى وأنا أجرحك قلت الجرح ينفعني
(غير معروف)

تعبت انزف جراحـي

تعبت أنزف جراحي حبر وأدور للألم أسباب
لجل أكتب شعر يحكي بعض أصغـر معاناتي
قفلت من الأسى بابي وسجنت الكون خلف الباب
وعصتني دمعةٍ فيهـا سؤال لكل اجاباتي
ملل أخبار حسّادي أحد صادق وأحد كذاب
وأحد ما طال تجريحي وأحـد عايش لزلاتي
(عبد الرحمن بن مساعد)

لو خسرتك

لو خسرتك ما خسرت العمر والدنيا متاع
وادري اني لو خسرتك ما خسرت الا قليل
بس فكّر زين تعرف من خسر فينا وضاع
وتعرف انّك لو تلفّ الأرض وتدوّر بديل
والله ان تبطي ولو لفّيت في كل البقاع
ولو تسوّي وش تسوّي ما انت لاقي لي مثيل
وين تلقى مثل شخصي شخص.. وطباعي طباع
ووين تلقى مثل قلبي قلب..أو مثلي خليل
البشر واجد نعم لكنّ فرق الإنطباع
يجعلك يمّي تميل ويمّ غيري ما تميل
(محمد الشهري)

عذبـات الازمان ..

لو زخرفت دنياك عذبات الازمان
ولو انها زانت تراهـا دنيّه
وإحفظ سدودك بين قلبن ووجـدان
ولا يذيع سـدك عند كـل البريه
وأد الفرايض واطلب الرب غفران
وسبّح باسمه كل صبح وعشيه
وللوالدين اوصيك في بر و احسان
البر فيهم عند ربك جزيه
(عادل بن مطرود)

جيت في بالي ..

خذاني الشوق لأيامٍ قديمه عشتها وياك
وجيت اذكر زمانٍ ماضيٍ وياك يالغالي
حبيبي للأسف جيتك وانا اللى هاقيٍ انساك
ذكرتك وامتلى صدري قصيد وقام يحلالي
وبديت ارحل مع الذكرى ادوُر وينها:دنياك
ولقيتك بأول الرحله قريب اقرب من ظلالي
واشوف انك على بالي ودايم بالخيال القاك
شسوي ضاعت الحيله شسوي جيت في بالي؟
(فهـد نهار)

أوعــدك ..

خل ربي بس يكتب لي سلامة
وأدري اني طبت من ذيك الجروح
و أوعدك ماتشوف ذيك الابتسامه
و أوعدك لاغيب عن عينك واروح
والله الا تشوف من يصدق كلامه
ومن يفرق بين جْـده والمزوح
(منصور الرويلي)

مابي الدنـيا ..

مابي الدنيا..أبيك أنت لانك انت غيـر
جيت فحضانك طفل..وأنت أبوي وسمني
شوف فوق..وغن بسمي على اللحن القصير
وخصني في كل لمحة غـرام وعمني
بشعل الدنيا عبير وبطفيها عبير
ولا بناشـد من مدحني ولا مـن ذمني
جيت للدنيا كبير..وبفارقهـا كبير
ومن زعل ماهمني ومـن رضـى ماهمني
(سعد بن علوش)

إن كنت ..

إن كنت أنا أخطي شيء طبيعي لأن أنا ماني نبي
ما احدٍ عصـمه الله من الأخطاء يكون الأنبياء
فعلا أنا أخطي بس ضوي ما تشب إلا حطبي
أطمح ولولا الليل ما احدٍ شاف فايدة الضياء
(سعد بن علوش)

مثل مـا كنت متوقع

مثل ماكنت متوقّع..مردّك راح ترجعلي
كسر فيك الزمن أدري..أشوفك جاي متكدّر!
رجعت بنفس كل مـرّه تجي فيها وتطلّعلي
وتتصنّع وتخلق لي من الأعذار وتتعذّر!
محد طقّك على ايدك تجي مكسور تخضعلي
نسيت شقلت لك..وإلاّّ مالك خلق تتذكّر؟
أبيك تشيل هالتّفكير من راسك وتسمعلي
حبيبي سكّر الموضوع ولافي سيرته اتفكّر
(شـافي السبيعي)

ما قطعـت الوصـل

والله أني ما قطعت الوصل صوبك
ولا بعد فكرت أجازيك القطيعه
لو خذوك ولو قفوبك وأبعدوبك
راح تبقى صورة الحب البديعه
(جمعة بن نايم الكعبي)