مشاركات بواسطة ريانه العود

ملحه و سكره

دام الهوى ملحه و سكّره قتّال
شاللي يا قلبي طيّحك في يدينه؟
لا طلت سيف و لا اخبر فيك خيّال
ما اسرع و طاحت من سواتك مدينه!
(شجون الروابي)

يا جرح طيب

يا جرح طيب
راح الحبيب و ما لنا غيره طبيب
يا جرح طيب
لا تنادي و لا تحن
خل الحزن فينا يفوت
واصرخ على كبر الزمن
ما ينسمع لك صوت !
(شجون الروابي)

قلبي

من رفعني معزّه بالوداد امطره
وسط قلبي ارزّه كل صبح(ن) و ليل
لا طلبتك وصال احترت انا في آخره
كل كلّي يبيك و بعض كلّك بخيل !
روح مالي بعدكم غير شوق استره
ابتسم و الخلايق تعرف إني قتيل
قلبي اللي تكفّن ضيّع المقبره
ما تعوّد يموت و لا رضا بالرحيل
(شجون الروابي)