مشاركات بواسطة فـــال

حــالمه

يوم عشتي من حناني في دلال
تحسبـين انك ملكتي كـل حي
لـو تندمتي وقلتي لي تعال
ما تغير صرخة احساسك علي
كيف وانتي للكبر صرتي مثال
وانطـويتي بـدنيتي احلام طي
الغلا له حد يابنت الحلال
خـففي من كبرك الزايد شوي
(فهد السماري)

مسافات وابواب

لك للغلا لرضاك ولسود الاهداب
نفح القصيد وفرحة عيون وعيون
ياسيد احبابي على كثر الاحباب
من قبل تنشدني عن ا لحال وشلون
ما جابني يمك وانا اقــول وش جاب
الا الغلا والخافق اللي غدى طعون
كثرو بعدك وكنهم غرب واجناب
تدري وخل مقرّد الخلــق يدرون
(محمد الحافي)

جــرب

لا ما افكر كيف ابحيا بلا حب
لكن افكر كيف تحيا بدوني
ان كان لك قلب فانا كنت لك قلب
احلى حياة شفتها في جنوني
ياما رويتك بالهـوى حلو وعذب
ولا تحـّرك غير عينك شجوني
ما اقول عن فعلك وعن غيبتك تب
بالعكس جرب كيف تحيا بدوني
(غريبة الدار)

عظيم الشوق

تعطيني الود والا تاخذه منـّي
يبلغك قلبي المقفي تحياته
اليوم ياصاحبي رد الخبر عنـّي
مايرخص الغالي الا كثر غلطاته
جارت على الليالي واخلفت ظنـّي
والحب ما عوّض المجبور ما فاته
تبي الحقيقة عظيم الشوق ما أوهني
اليوم ساوت حسان الحـب سيـّاته
(السامر)

الوداع

قال الوداع وقلت هذا مكاني
والله لو طال الزمن ما اتعداه
اما الى منه رجع له لقاني
والا يكفيني مكانه وذكراه
عيا يقربني وهو ما جفاني
مدري حيا والا البخل من مزاياه
(عبدالله السلوم)

هذي الحقيقة

مانيب ميت لا نسيتي غرامي
ببكي عليه ايام لحـد مانساه
عهد على اني لتمم كلامي
وارد قلبي عن طواريه وانهاه
لو الثمن عمري ولذة منامي
مالي بحب غير الوقت مبداه
هذي الحقيقة لا نسيتي غرامي
مانيب ميت ببكي ايام وانساه
(عبدالله الرشود)

عيد الشقا

يعتادني عيد الشقا يوم فرقاك
ويعتادني عيد الفرح يوم اشوفك
ماهوب عيد ما سمح لي بلاماك
عزي لعين شوفها ما يحوفك
يشتاق لك بالحيل قلب تمناك
قلب تعشق فيك كامل وصوفك
ماظني اصبر ياحبيبي بلياك
من غير ما تلمس يديني كفوفك
(نجديـة)

أعذب من النسمه

هلت كما بدرٍ تحدى الضلامي
غطت على اللي حاضرين بسفرها
دارت لها الانظار زود اهتمامي
وكلن يحاول بس يلفت نظرها
اضفى الحياء على الجمال احترامي
ماقدمت شي وكلن شكرها
لو انها ردت علينا السلامي
يمكن جميع الناس تتبع اثرها
(غير معروف)

برق صيف

مـاكل حب يدهل القلب سكان
بعض الغلا ليمن خذى ايام راحي
يروح ماكنه تصوّر ولا كان
ويمحاه من لوعات الايام ماحي
والله لو الحب يشرى بالاثمان
لشريه من خبلٍ .. واحطه بصاحي
(سعود بن محمد)

خلاص

خلاص بتسافر ؟
زين التفت لحظة
عطني جروحك بس
خلها تسليني .. بغيابك الكافر
واخذ النظر مني وخبّه مع اشيائك
مابي اشوف الناس
وشلون اشوف الناس
وشوفي معك سافر
(سالم سيار)