مشاركات بواسطة فيصل

بعض الوجع

قال تَصنع ضحتك والحزن بادي
جرّها من قلبك ليش تكون كَدري
قلت لو جرّيت حاجة من فؤادي
غاب هذا الجو .. خَل الجو خَدري
يا اخي بعض الوجع غير اعتيادي
بعض الاحيان اضرب براسي ولا ادري
(مهدي آل حيدر)

قالوا فيك وإلا قالوا في!

سواليف، قالوا فيك وإلا قالوا في
هذي مالها خانة وذي مالها خانة
لكم دينكم ياهل الحكايا وديني لي
ويبي يحاسب ابن ادم على منطق لسانه
ورفيق يعاتبنا ويزعل على اتفه شي
مانبغي معه رفقة ولا نبغي ميانة
علينا من الدنيا ضغوط ماهيب شوي
وهو يحسب ان الله خلقنا على شانه
(محمد بن ذيب الشايب)

الجمال الساطي

يا أم الجمال الساطي اللي يستحل
لاقفال عشرات القلوب بثانية!
الوجه هذا صدق والا مُنتَحَل
والواسعة ذي عين ولا آنية ؟
الواضح ان الحور فالجنة تحِل
وشلون جيتي فالحياة الفانية؟
يدور حولك نحل قولي للنحل:
ماني رحيق ولا قطوفٍ دانية
ويدور حولك كوكب.. الظاهر زحل
قولي له ان الشمس وحدة ثانية !
(جمال بندر العتيبي)

سلاحٍ مزهّب

لعل مابيني وبينه مواصيل
‏اللي ورا طرد العلوم يتلهّب
‏واليا عزمته وأنت عندك رياجيل
‏كنك تحاضي لك سلاحٍ مزهّب
(عبدالكريم البدراني)

صدك ..

صدك عن اللي ملتفت لك ردى حظ
وركضك ورا اللي مهو يمك مذله
واللي يشظ النفس عن شفها شظ
يقضي كريم الذِكر عافي مزله
واذا بلاك الله في صاحب ٍ فض
شرس ٍ غليظ القلب كبده مغله
عليك في جمرٍ يلظ الدما لظ
ما يترك من النابض الا محله
مِلّه بـ له حمرا عسى العِرق ينفّض
من نارها عن حاجة ٍ ما تحِلّه
لو كانت النيه تورّد على الحظ
ما يضمي الطيّب ودمعه يزلّه
(ريمية)

باطراف بيته

باطراف بيته للمواجيب شِنكار
معلاق كبشٍ عند راعيه غالي
(بندر بن سرور)

هذا ماهو فم

اذا تبسّم فمك.. هذا ماهو فم
هذا من الحان السماء الكريمة
لمّة خدودك مثل جَمعَة بَني عَم
تجمعو من شان رد الظليمة
(رضا حليس الرويلي)

خله يعيش الدور

ماني بالأول صار عندي رحابه
‏بطّلت أصيّع بالمشاره سنيني
‏فالحالتين القلب مفتوح بابه
‏للّي يبي فرقاي واللي يبيني
‏ومن شافت عيونه بوضعي غرابه
‏انا على كبره ما اشوفه بعيني
‏واللي مسوّي ذيب في وسط غابة
‏خلّه يعيش الدور وينه وويني
(نواف التركي)

اخاف اقول انك وحشتيني

اخاف اقول انك وحشتيني
وانا اللي اوحشوني كلهم راحوا
ياجوريٍ تمايل به بساتيني
أعيديني تعبت لناسٍ ارتاحوا
حياتي وحدة وهالموت موتيني
اليا غزّوا نصايب قبري وشاحوا
وليا مني فقدت ولا فقدتيني
ولا صحتي ليا من العرب صاحوا
انا وليدك لو انك ما ولدتيني
ياكثر الواقفين بوقفتي طاحوا
(رضا حليس الرويلي)

كذبة ونصها صدق

مايذبح الا كذبةٍ ونصها صِدق
ولا خير من حكي القِدا كود قول اص
(رضا حليس الرويلي)