الصفحة الرئيسية > أجمل أبيات الشعر العامي > في عيوني دمعتين
في عيوني دمعتين
ارفعي سهم المنايا يالعيون
مابقى فيني مكان للطعون
كل شبر في حياتي انجرح
و الذي شقّوا خفوقي يشتكون
في عيوني دمعتين واقفه
ردّت الأيام دمعي بالجفون
ارحمي قلب تجاريبه قست
في زمان ماعرف يوم حنون
اللسان يخون و البسمه كُذُوب
وأصدق التعبير نظرات العيون
(خالد الفيصل)
4byt.com
يقول طاوعني ولاتجيب سيره
ابنصحك ياعل في الامر خيره
طوف علشان اتعدل امورك
وجامل خصوصا فالامور الكبيره
ونافق..شفيها ياخي لما تنافق؟
لا اول اذنوبك ولاهي الاخيره
واكذب ياعمي اصلا الكذب متعه
يكفيك من شره ويعطيك خيره
واذا بلاك الله بقول الصراحه
قول الصراحه فالامور الصغيره
وخلص كلامه صاحبي وانا ساكت
ومن عقب ذاك اليوم صاحبت غيره
(عبدالله بن علوش)
التعليقات