مشتاق والشوق رغم البعد سرّاني
وسريت مسرا الفشق من فاه رشاشه
ما فيه موتر من السرعة تعدّاني
ولا فيه ساهر أمر إلّا على فلاشه
من جرب الشوق يعرف منه وش جاني
ومن لامني قلت هذا الشوق ما ناشه
( سليمان الشاردي)
يا قلب صبرك .. ترى كل شيّ سويته
ما كان أفضل من اللي كـان بإمكاني
لو بيّ قوه على الهجران؟ خليته
لو بيّ ذره من النكران؟ يفداني
الجرح أرحم..إذا يرجع من أغليته
مجروح؟ فِدوه .. ولكن صعب وحداني!
(عبدالله الظفيري)
مل قلبن مهتنى في حب ناهد
في هواها مالقى لحظه هنيه
يوم واحد في الصداقه يوم واحد
عقبها روحت صوب العسكريه
جرني التجنيد له والحظ زاهد
شي من ربي ومكتوبن عليه
جيت للمهجع وفكري صار شارد
ناموا العسكر وانا عيني شقيه
(حمد بن سعد المسرع)
