أخر الأبيات المضافة

مشتاق والشوق رغم البعد سرّاني
وسريت مسرا الفشق من فاه رشاشه
ما فيه موتر من السرعة تعدّاني
ولا فيه ساهر أمر إلّا على فلاشه
من جرب الشوق يعرف منه وش جاني
ومن لامني قلت هذا الشوق ما ناشه
( سليمان الشاردي)

الجرح يبرى لو تطاول مع الهم
والصمت مرهم مشترين الطوايل
خذها نصيحة بلا حسابات او كم
مهما كبر جرحك مع الوقت زايل
(مهران العدوان)

‏ليت العمامة سالمة من متونه
‏اليا لبسها طاح سعر العمامة
‏لو فالمراجل "ساهر" يطبقونه
‏في كل صبح وليل ياخذ ،، غرامة
‏ماهوب خادعنا بضحكة سنونه
‏ولاهوب خادعنا بـ حالي كلامه
ادارة الأحوال .. لو يعرفونه
‏بعد اسمه يحطون "وانت بكرامه"
(ابراهيم مرشود)

أبيات مختارة

ملأتِني بكِ حتى مَسَّني خَجَلٌ
من فرطِ ما غازلَتْني أَعْيُنُ الناسِ
ما عاد يملأُ رأسي خمرُ دالِيَةٍ
صُبِّي جمالَكِ حتى يمتلي راسي!
كلُّ النساءِ أحاديثٌ بلا سَنَدٍ
وأنتِ .. أنتِ .. حديثٌ لابنِ عبَّاسِ
أميلُ نحوَكِ والتنصيصُ يجذِبُني
حتى أَشُدَّ على التنصيصِ أقواسي
(جاسم الصحيح)

ياصرخة احساسي وخنقة دموعي
اذا الصدف جابت مكاني مكانه
من داخلي احساس يعلن خضوعي
وفي ظاهري رجال حافظ كيانه
(محمد الظفيري)

بس استمع للناس من كل الاجناس
ومع كل اديان البشر كن حيادي
احيان يغديك اللي للناس نبراس
واحياناً يدلك على الدرب غادي
(طارق الذيابي)