عادي جداً اني الليله عليل
الحزن يحسبني واحد من هله
ومو غريبة لو تمنيت الرحيل
البقاء احيان يعني البهذله
في غيابك مالها الضيقة مثيل
وربي اللي مايشائه يفعله
(احمد الصانع)

انا لامن دعيت الله يجيبك زدتني بإبعاد !
رح الله لا يردك! يمكن الدعوات مقلوبه
نفش ريش الظلام وقلت عل المبطيات جداد
رقص وجه النهار وقلت يادوبى ويادوبه
هنوفٍ لابغت ترمش هدبها يرتفع بالكاد !
يعذبها إلى منه على الوجنه فتق ثوبه
أميزها عن القمرى إلى من جت بلا ميعاد
وإلى من جت مع القمرى غدا كلٍ وأسلوبه!
(عبدالمحسن بن سعيد)

إذا المرءُ لم يُعْتق المالِ من نفسَه
تَمَلَّكه المالُ الذي هو مالِكُهْ
ألا إنّما مالي الذي أنا مُنْفِقٌ
وليس لي المالُ الذي أنا تارِكُهْ
(أبو العتاهية)

أحبك لو تسافر بي على درب التعب أمشيك
حبيبي في زمان البعد قلبي أصدق أحبابك
أحبك جرح مايبرى عسى بعض الألم يرضيك
وألون بالرضى عيني وأسيل دمعةعتابك

(منادي)

أنا ودي كل من شافك يموت من القهر ويذوب
وأوريهم مدى حبك وكيف أنهي علاقاتي
(عبدالله السلمي)

قلبٍ وحشتيه يا حلوه وش يسوي؟
يموت ، و لا يموت ، أو ينتظر موته!
(فلاح العمّاش)

و الله ما يحرم الرجال من نومه
الا صديق ٍ من اول كان معتبره
لا جاه في واجبه و يدور لزومه
والياه ما هو الصديق اللي على خبره
(فيصل بن عباد)

‏العبد يسعى لكن أحيان مسعاه
‏يجني على نفسه ويجلب ولعها
‏واللقمة اللي ما كتبها له الله
‏والله ولو هي في فمه مابلعها
‏⁧‫(خالد بن مايقه)

اذا بلغ الرأي المشورة فاستعن
برأي خبير أو نصيحة حازم
ولا تجعل الشورى عليك غضاضة
فإن الخوافي قوة للقوادم
(بشار بن برد)

البارحة صـارت بعد نومك علوم
لعبت أنا والـشـوق شـرطي وحرامي
أقوم وأجلس وإن جـلسـت أرجع أقوم
والله مو مني ذبحـني هـيامي
(غير معروف)

ابكي ! احب ! اشتاق ! طيب وبعدين؟
بكره مع الايام بفقد عشيري
من طيبتي..بين البشر صرت مسكين
الطيب ضـاع ..وكثر الله خـيري
اجرح..وانا بقول لجروحك اهلين
يا اغلى مسايير ٍ لقوا فـي ضميري
اسمع وصاتي قبـل لاتدمع العين
لا اعلنت عـن دنيا المحبه مسيري
اذا تفارقنا..ابي منك شيين
مابيك تكرهني..ولاتحـب غيري
(سعود بن مهدي)

انا مادريت ان الحب يعمي من يصيبة
لين شفت ابن المراجل يرتخي مثل الدجاجة
(غير معروف)

عيناك آهٌ حوّرت مسودة
فكأن ربي خطّا رسّاما
المبدع الرحمن أبدع خلقها
فتميزت بفتونها إكراما
فسوادها يجتاحني ألماً وكم
لبياضها جرحي يصيح إلاما
(ماهر الخالدي)

عرقن بقلبي لاذكرتك تحرك
مدري نذير الموت ولا نذيرك؟
(محمد السويحب)

اليا انحنى راس.. قبله تنحني هامه
واليا انحنت..من قبلها نفس محنيّه
النفس اذا ماهي بشرهه وزوّامه
يلعب بها كل ابن جنّي وجنيّه
(سعد علوش)