أبيات جديدة

بياض الوجه

تراك مازلت تتبعنا على الجِرّه
من عاد حنّا على ظهور البعاريني
قومٍ يدينا تحوش المال وتثرّه
على بيوت الارامل والمساكيني
لو نملك الكون من بحره ليا برّه
ما نمتلك به عمارات ودكاكيني
وان كان نفسك من المليون منغرّه
يكفيك .. وأنا بياض الوجه يكفيني
(سلطان الهاجري)

المقفي ..

الاصايل كل يومٍ تَلافح بالكعوب
والردي لا عيّن اللي يهينه قدّره
في المقابل تنفتح له دواليب القلوب
والمقفي قلعه الوادرين تودّره
(سعد بن جدلان)

حوض المنية

من غلاها لو توردني على حوض المنية
كنّها تسقيني الشهد المصفّى من شفاها
(ضيدان بن قضعان)

تدرين ليه المطر ..

تدرين ليه المطر يشتاق لك يالرياض؟
من بين كل الفيافي والقرى والمدن
يبغى يفضفض لصدرك عن حنين الفياض
عن لهفة الشوق عن لحظة حنين وشجن
يبغى يبلل شعرك ويفترضك إفتراض
والاَّ يجدل مساك وياخذك بالحضن
(مساعد الرشيدي)

الطَّيِب والعيب

الطيب مايغطيه ذم المهابيل
‏والعيب مايسترّه ثوب المدايح
‏الكايده تصعب على بارد الحيل
‏والعمر بالدنيا سنينه منايح
‏⁧(زعل الرشيدي)

ترمي السهام

ومليحةٍ ترمي السهام سديدةً
بالحُسنِ، أمّا الفكرُ غيرُ سديدِ
تدعو إلى الإلحادِ في كلماتها
وجمالُها يَدعو إلى التوحيدِ
(مشعل الزعبي)

مالي في بعض السوالف

‏مابين غيبة ونميمة وناس هراجة
تحمل ذنوب البشر من فوق غاربها
مالي في بعض السوالف والحكي حاجة
يوم البشر فوقها ربٍ يحاسبها
‎(عبدالله السهلي)

والرمش سادات قوم

من نور وجهه سواد الليل مِتبجد
ليله يصبِّح مساه وصبحه يهجده
والرمش سادات قومٍ فالضحى سِجّد
في عيد الأضحى تقّرب بآية السجدة
(سعد بن جدلان)

لا شريك له بملكه

يالله ياللي ما خشا غير خوف منك خوف
لا شريك له بملكه ولا يعبَد سواه
فيك تشخيص البصاير ولك مد الكفوف
يا كريم يكرمون الاكارم من عطاه
عالم اللي ما اعلمه.. شايف اللي ما نشوف
خافي سره و الاسرار ماهيب تخفاه
لا جفانا القِل واللي روابعهم ضعوف
جعل ربي ما يرينا غضبه ولا جفاه
لا انقفل باب من الرزق حراسه وقوف
فِتحَت بيبان الارزاق من كل اتجاه
(سعد بن جدلان)

اهات

اشيل حتفي راضي فوق متني
واروح.. نفسي من حياتي معيفه
واقول للي بالجفا عذبتني
عسى الشقا من بيننا بالنصيفه
شربت من فيض الشقا واشبعتني
دنيا مع الاحزان ضدي حليفه
(السامر)

يا هاي هاي

ياهاي هاي ياكشخة الاكابر ياتُب التٌب
يالراحة.. يالاستجمام.. يالمستوى الراقي
معي حِر شوق وقو خرمة ولهفة حُب
عالج وحدةٍ منها واسامحك في الباقي
(سعد بن جدلان)

كم مفرق

كم مفرقٍ كل ما جيته تعديته
لا اشوف خطه ولا اقرا ويش لوحاته
يا كود مَفرق رقبة العطف لا جيته
يفرض علي التفاته والتنهاته
في حشمة اللي مصافيني وصافيته
من خلقتي ماحدٍ سوابي سواته
ما يسمح البال لين اقف على بيته
اضرم له ضرامة الزيدي على قاته
(سعد بن جلان)

يا صباح الخير

ياصباح الخير يا طَلة الصبح السعيد
جل شأن اللي مصورك عمّا يصفون
انت نبذة معشر الإنس والشي الفريد
ليش مادري، بس لله في خلقه شؤون
يا ذهب قارون.. يامُلك هارون الرشيد
من لقاه اغناه والسابقون السابقون
(سعد بن جدلان)

مواجعي

أخفيت عن كلّ العيون مواجعي
فأنا الشقيّ على السعادة أحسدُ
(غازي القصيبي)

لا تحسد الأمير..

ومن جرب الحاجة وروحه كسيرة
يفرق عن المرتاح .. وابو الملايين
لاتحسد الأمير ،،، وإلا الاميرة
وأوصيك لا تضحك بناسٍ ضعيفين
ولاشفت وجه المبتلي ،، لاتثيره
افزع له بدعوة ،، وحث المصلين
(مبارك الحجيلان)