أبيات جديدة

واصحاب الأمس

واصحاب الامس اللي نسونا.. الغايبين الحاضرين
علمهم اني ما التفت لغصنها واوراقها
علم وقل للحاضرين يعلمون الغايبين
ان الأمم اخلاق تبقى ما بقت اخلاقها
وقل للوسيم المترف اللي كان مين وصار مين
اللي بدا يعرف بعيرتها ويعرف ناقها
لو يجتمع شعر الفرزدق مع أدب طه حسين
ما ترتفع روسٍ تلفِّتها سبب دِنّاقها
(ضيدان بن قضعان)

وانا طموحي

‏واكثر مشاريه الشجر عليك يا فصل الخريف
‏هتكت ستر غصونها واسرفت في كِلاّفها
‏وانا جويع وجوعي مواصل..ماهو قطعة رغيف
‏وعيني من الفرقا حداها الهم عن محرافها
‏وانا طموحي للثقال من الجواهر يالخفيف
‏ماني بأدور عملة ماينعرف صرّافها
(محمد ابن الذيب)

تذكرت

تذكرت وقتٍ فاتني وين أنا وإياه
هاك الحين أنا ويّا هوى النفس جيراني
إلى دك بي طاري الهوى لو بغيت اكماه
تبين لمن قد جرب الود عنواني
(ناصر بن عبدالله الفايز)

ليل

ليل وخيال ودمعة تلثم الخد
كيف اجتمع سعد الحياة ونكدها !
عقل وجنون وفتنة ما لها حد
ما ادري لقيت الروح والا جسدها
(خالد الخليفة)

سراج الله والحب المفدى

بَريقُ النجمِ يَخطِفهُ الأفول
فكيفَ تشعُّ فينا يا رَسول
سِراج اللهِ والحبُ المُفدّى
أنرت ظلامنا فَسَمتْ عُقول
وعامُ الفيلِ عامُ الحظ فينا
حَللت بنا فَيا نِعمَ الحلول
ختامُ المسكِ فوَّاحٌ علينا
لِنجدَتِنا لَقدْ ولِدَ الرَسول
(حياة محمود)

الفقر

يا نويصر طالت الهجره علينا
ذا لنا عامين والوادي سناوي
والتجار وجيههم قامت تشينا
كن واحدهم عن الفقر امتداوي
(فهيد المجماج)

رسالة

قلت أوجه رسالة باللسان الفصيح
دافع الضيق فيها يا المعاني غلاك
للتماسيح.. لدموعٍ تزف الذبيح
أسعد الله ليالٍ ما تشابه غلاك
(مشعل الفوازي)

قطعا

قطعا بيوم فيه صار الزعل صار
بيني وبين اهل الوفا والجميلي
وقطعا بليل فيه ظليت محتار
ظليت محتار ومضيع دليلي
(محمد سعيد الذويبي)

جاءت معذبتي

جَاءَتْ مُعَذِّبَتِي فِي غَيْهَبِ الغَسَقِ
كَأنَّهَا الكَوْكَبُ الدُرِيُّ فِي الأُفُقِ
فَقُلْتُ نَوَّرْتِنِي يَا خَيْرَ زَائِرَةٍ
أمَا خَشِيتِ مِنَ الحُرَّاسِ فِي الطُّرُقِ
فَجَاوَبَتْنِي وَ دَمْعُ العَيْنِ يَسْبِقُهَا
مَنْ يَرْكَبِ البَحْرَ لا يَخْشَى مِنَ الغَرَقِ
(لسان الدين بن الخطيب)

في خلوتي

يا صُبْحُ كَم ْضَلَّ الْجَوَادُ الْمُلْتَقَى
يا لَيْلُ كَمْ وَاسَتْ نُجُومُكَ حَيْرَتِي
ما عِشْتُ يَوْماً ضَائِعاً بِتَعَبُّدِي
خَيْرُ الْحَيَاةِ وعِزُّها فِي خِلْوَتِي
وأرَى بِقُرْبِي مِنْ حَبِيبِي أنَّنِي
نِِلْتُ السَّعَادَةَ كُلَّها فِي سَجْدَتِي
يَا رَبِّ إنْ ضَاقَ الضَّمِيرُ بِعِلَّتِي
فَبِنُورِ عَفوِكَ تَسْتَقِيمُ عِبَادَتِي
أدْعُوكَ أنْ تَطْوِي الْهُمُومَ بِوَصْلِكُمْ
أدْنُو إلَيْكَ الْقُرْبُ غَايَةُ مُنْيَتِي
(محمد جنيدي)

دنيا

الرجل لو مافي حسابه ريال معروف
واللّٰه قادر يبدل حالك في ثانية
مايشرح الخاطر إن صكت عليك الظروف
إلا ان دنيا (البنادم) لو صفت فانية
(نايف مسدح السمين)

حرية

ويش العمر وش ميزته وش طراته
الا إنعتاق الروح من قبضة الياس
حرية الإنسان,,, معنى حياته
ماهو هروبه وانعزاله عن الناس
(الحميدي الحربي)

ياقلبي

لا تأخذ القلب رد القلب يا قلبي
وشلون تبغى يعيش اللي معك قلبه
كانك نويت الرَحيل بقلبي ارحل بي
خُذ صاحب القلب هو والقلب وارحل به
خل الوفا من طباعك لا تمنذل بي
حدد حبيبك وحدد من تمنذل به
منك الجفا طال والولوال طول بي
وقلبي عذابك توحد به وطول به
(منصور الرمالي)

خل الرسائل

خل الرسايل وخل ازعاج جوالك
ما فيه داعي خساير لك.. ولازعاجي
خل اتصالك لمن هو لاح في بالك
ورقمك فلا عاد هو مغري ووهاجي
بقولك شي خله دوم يبرالك
كني ببعدك سجين جاله افراجي
(زبن بن عمير)

اقفت

اقفت وانا قفّيت غصبٍ بلا طيب
بغيت اكملها فلاشك راحت
اقفت وقلبي فيه مثل المشاهيب
والعبرة اللي داخل الجوف صاحت
يانعبوها تطلع الشمس وتغيب
يانعبوها زمرة الشوق فاحت
انا انتهيت وتهت ياعالم الغيب
وحمامة المجروح ملّت وناحت
عفت الهوى وش عاد ابي بالرعابيب
والنفس من جود الليالي استراحت
(ناصر بن كروز)