أبيات جديدة

ذكرتك

ذكرتك ولا أدري متى كنت أنا ناسيك؟
‏متى غبت عني بأول العلم والتالي
‏قبل لاتجي طاري وأنا كنت في طاريك
‏تصدق.. وأنا قبل أذكرك كنت في بالي!
(مساعد الرشيدي)

زارك الوداع بعد أن التقينا

زَارَكِ الوَدَاعُ بَعْدَ أَنْ التَقَيْنَا
مَا جَفَّ الدَّمْعُ فِي المَآقِي
هَلْ يَعْرِف الوَدَاعُ حَدّهُ لَيْتَ
عِنَاقُ الوَدَاعِ يَتْبَعهُ التَّلاقِي
(رشوان حسن)

حنين

القَلْبُ يَرْجُو والرِّضَاءُ صَفَاءُ
إنَّ المَحَبَّةَ لَوْعَةٌ وشِفَاءُ
إنْ هَامَ قَلْبِي لَنْ يَهِيمَ بِمِثْلِكُمْ
وحَنِينُ وَجْدِي لِلِّقَاءِ دُعَاءُ
(محمد علي جنيدي)

قلبك الحساس..

إذا باعك اللي مارحم قلبك الحسّاس
‏تلفّت وتلقى شمعة القلب تضوي لك
‏تعال وتذرى بين غصن الرجا والياس
‏تحت جذع صدري لين توقف على حيلك
(طلال الرشيد)

ترى بعض المفارق

ترى بعض المفارق زين ماهو شين
ليا صار المواصل سيئ استخدام
بتفقدني مع الأيام ماهو الحين
انا ذاك اللي تفتقده مع الأيام
انا صاحب عِسر ماني بصاحب لِين
اصحاب اللين تلقاهم أكوام أكوام
ليا صكتك بقعا شفت شوف العين
مكاني الخالي.. الغالي على من سام
(سعد علوش)

هذا زمن شردان

هذا زمن شَردان والبخيلي
‏كانه ثري ياشجعه وياجوده
‏ومن زاد ماله لو رِضي بالميلي
‏تعدله شيكاته المرصوده
(جزاع مشافت الرويلي)

حبك

حبّك مثل قصرٍ بنوه السناعيس
‏لو مات صيته، مانسـوه الطنايا
(طلال الحميّان)

مواصل الغالين

مواصل الغالين ماهو على طول
حتى ولو كنا نبيك وتبينا
حتى المطر لا زاد عن حده نقول
عسى حوالينا ولا هو علينا
(سعيد الحمالي)

باطراف بيته

باطراف بيته للمواجيب شِنكار
معلاق كبشٍ عند راعيه غالي
(بندر بن سرور)

هذا ماهو فم

اذا تبسّم فمك.. هذا ماهو فم
هذا من الحان السماء الكريمة
لمّة خدودك مثل جَمعَة بَني عَم
تجمعو من شان رد الظليمة
(رضا حليس الرويلي)

يالله عسى

يالله عسى من تركني ساعة الشدّه
تحدّه ظروف وقته لين ياتيني
حتى إنّي أعطيه مطلوبه ولا أردّه
ويشوف فرق المراجل بينه وبيني
أنا رفيقي على العسرات ما احدّه
أدرى رفيقي مثل ما ادرى على عيني
وأنا رفيقي ليا شفت الزمن ضدّه
أقوم في واجبه من قبل يدعيني
وإن كان لا جاء لزومي يقدر يسدّه
وألاّ ترى العذر لا جاء منه يكفيني
ما يوجع الكبد كود البور والصدّه
من واحدٍ يقدر وما قام يسقيني
(مشعل بن سابر)

اشوم

من باب لا..جاري الجهّال لا عالوا
اسكت ليا رخص سعر الحكي واسلوبه
واشوم عنهم وأقول أهل المثل قالوا
بعض السوالف على الرجَّال محسوبه
(جزاء البقمي)

الأرض

الأرض لا..ضاقت مساحتها عليك
وخُطاك ضاعت في متاهات الحياة
وان جفّ غيمك وأجدبت تُربة يديك
أسجد بهمّك فوق سجّادة صلاة
(عبدالمجيد الزهراني)

عذب الحَراوي

الدفا والبرد وابيات القصايد والغناوي
والبيوت الطين وأحلام القراوه بالمدينة
كلها مريتها فيك أنت يا عذب الحَراوي
عقبها مر الهوى مختال يسفه عاذلينه
(علي بن حمري)

ودي اروح

ودي اروح .. عجّل لا يطول الكلام
هو بقى من عيونك شي ما قالته
صاحبك يوم هزيته بجرح الغرام
وده يطيح لكن عزته,, شالته
(جابر البطحي)