أبيات جديدة

غيمة وهتان

كم لك تمرّ أرضي بغيمة وهتَّان
ولا سقيت أرضٍ تحرّت سحابـك !
وأنا لو إني في مكان السحب كان
فلَّيت مجدَّول المطر في ترابك
(غير معروف)

المطر .. لمّة أحباب

الجو غيم .. وخابرك تعشق الغيم
دايم تقول إن المطر .. لمّة أحباب
بدلت بغيابك جميع المفاهيم
صار المطر يبكي على لحظة غياب
ياصاح من عقبك تجرعت انا الضيم
والليل غير الهم والضيق ما جاب
يا ابعد الاقراب شوف المطر ديم
الجو طايب .. لكن الفكر ما طاب
(نايف الرشيدي)

شعوبٌ و أُمَمْ

ياربّ!، هبّتْ شعوبٌ من منيّتها
واستيقظتْ أممٌ من رقدةِ العدمِ
سعدٌ، ونحسٌ، ومُلكٌ أنت مالِكهُ
تُديلُ مِن نِعَمٍ فيه، ومِن نِقَمِ
رأى قضاؤكَ فيما رأيَ حكمِته
أَكرِمْ بوجهكِ من قاضٍ ومنتقمِ
فالطُفْ لأجل رسولِ العالمينَ بنا
ولا تزدْ قومَه خسفًا، ولا تُسمِ
(أحمد شوقي)

صعبٍ عليَّه وانا ابيه

قلت البكا.. صعبٍ عليٌه وانا أبيه
لا واهني اللي بكا وما تندم
لي عبرةٍ يلعب بها الحزن والتيه
ولي صرخةٍ وأتعبت أبا القى لها فم
احساس لا أبيعه ولا نيب شاريه
مَرٍ يجي شهدٍ ومرات علقم
إلى لمحتي دم جوفي افخليه
على الورق.. لاصار روحك تألم
(بدر بن عبدالمحسن)

لولاك

وقلبٌ إِن لَم يُفنى في هواكِ
فَلا أحتواه ضلوعي لولاكِ
وأطيبُ عِطرٍ يأتي مِن وردَ
ةٍ مُختبِئةٍ بَينَ الأَشواكِ
(شيرزاد زين العابدين)

منَّول و اليوم غالي

انه منوَّل و أمس و اليوم غالي
واتلى زمانه بالغلا مثل مبداه
لا ابطيت ماشفته وهو ما عنالي
عفت المكان اللي يغيظه ويجفاه
شوفه دواي و قِل شوفه زوالي
حكيم طب جامعٍ داه و دواه
(سليمان بن شريم)

الاخو ..

واخوي يا اللي يم قارَة خَفَا فَات
من عاد من عقبة بيستر خَمَالي؟
ليته كِفاني سُو بقعا ولا مات
وانا كفيته سُو قبرٍ هَيالي
وليته مع الحيين راعي الجمالات
وانا فداً له من غبون الليالي
واخوي يا للي يوم الاخوان فَلاّت
من خِلقته ما قال ذا لك وذا لي
(شالح بن هدلان)

طلسم حكيم

وبرقه على كبد السما لا فلجها
طلسم حكيمٍ كاتبٍ ذروة علاج
(سعد بن جدلان)

يا رفيق الدرب

يارفيق الدرب ملّينا نصارع
همّنا حتى من الديرة قِرفنا
إن خرجنا ضايقة فينا الشوارع
وإن دخلنا ضايقة فينا غُرفنا
(عبدالمجيد الزهراني)

ياعين لا تبكين

ياعين لا تبكين ترى البكا عيب
حتى ولو صكَّات بقعاء قوية
و يارِجل لو جْبارتِك للعراقيب
عدَّاية المشراف حقك عليه
لابد ماتجبر كسورك وانا اطيب
بإذن الله الرحمن رب البريه
من طلعتي لين امتلا عارضي شيب
وانا ورا الهقوات عيني شقية
أغوص غِبّات البحر نكس واجيب
غناة نفس من صباها غنية
مانيب من يقنع بهزل المكاسيب
ولانيب من يجزي الحساني بسيه
(ضيدان بن قضعان)

كيف؟

‏كيف ماتذهل شفايفك من ذايب لماك
‏وكيف ماتشهق مراياك لا قابلتها
‏وكيف مايفتن بلينك وقدّك ماكساك
‏وكيف ماتبكي وسايدك لابدلتها
‏(علي المفضي)

شرهة عيال الحمايل

يانوف جيتك من ورا نازح البيد
بالراس مايحتاج رد الرسايل
وأن كان ماضمّدتي الجرح تضّميد
تحمّلي شرهة عيال الحمايل !
أنا دخيل الصدر والثغر والجيد
أرخي علي شلال شقر الجدايل !
هذي تكفيني من العيد للعيد
وأنا علي يانوف رد الجمايل
أحظنك بأشواقي من الإيد للإيد
وشعرك على هاك المبيسم تمايل
حبّي وحبّك حب (عليا وأبو زيد)
والا مثل حب ( الطنايا لحايل) !
(سلطان الهاجري)

آخر زياره

وين الكلام..
وين الحراره في السلام
كبير الفرق مابين اول لقا
واخر زياره.. مدري شقول
يا حب خانتني العباره ..
مدري شقول
والحر تكفيه الاشاره
(فائق عبدالجليل)

الظروف القاسية

مرحباً حياكم الله على بُن وخروف
في محلٍ وارثينٍ تراحيبه سِبل
جمَّل الله حال قل الدراهم والظروف
اشرحت مستقبلي واثبتت لي ماقبل
لا فقدتوا واحد اثنين من بين الصفوف
ما بغيتوه منهم .. اخذوه من راسي دبل
ليت جدي حي وابوي عيونه تشوف
العرين اللي تقاطب حميا في شبل
ذاخر لسيوف الاقدار لا حلّت سيوف
محزم مليان ماهوب رمث ولا حبل
وفزعةٍ تامن بها البل وستر للهنوف
وفزعةٍ ماهي بتستر ولا تفتّك ابل
والله ان احط في القبر ما طعت الضعوف
دام صوتي لا رفعته يرَدّد في جبل
(معدي الكذوب العاطفي)

الصداقة ..

والجفى من بين الاصحاب عيب من العيوب
والصداقة من بنا بيتها ما يهدمه
واعرف الكذبة لا جت من فم الكذوب
لا قعد يرفع لسانه ويرخي برطمه
ومزحة الطَيب ما تجرح متينين الجنوب
عَقِّب اللي مزحةٍ من رفيقه تِفحمه
(سلطان الهاجري)