الصفحة الرئيسية > أجمل أبيات الشعر العامي > اخاف غدر الوقت
اخاف غدر الوقت
محبتك فالوقت ذا ما تشبّه
الا بخيمة بدو بين العمارات
ان شفتني ضايق واهوجس واسبه
اخاف غدر الوقت.. والوقت دورات
لا تحسب ان دمعي نزل دون سبّه
ابكي من الفرقا وهي مابعد جات
اليوم كل امورنا..مستتبّه
وبكره ماندري وش معه من مسرّات
اربّ قلبك مثل قلبي اربّه
ما يخلفه كثر العذل والمسافات
(محمد بن فطيس)
4byt.com
اتحرى من زماني ساعتين
ساعه وداعه وساعه جيته
واحترق في كل ساعه مرتين
خوفي ينسى او تطول غيبته
وبس يقبل تعتريني رجفتين
رجفه الفرحه ورجفه هيبته
مات قلبي يالخلايق مرتين
يوم شفته ويوم روحي حبته
(غير معروف)
التعليقات