الصفحة الرئيسية > أجمل أبيات الشعر العامي > كلنا عشاق
كلنا عشاق
أنتي جرحك في ساكن
وأنا جرحي برا قلبك
أمشي لو نصف المسافة
وقفي بينك وبيني
أكسري كل المرايا
أنتي أجمل وسط عيني
يا للي مشغولة بروحك
من خذا قلبك وروحك؟
هو أنا .. والا سوايا
كلنا عشاق لكن
كل واحد له حكاية!
(بدر بن عبدالمحسن)
4byt.com
سلم على الضايق اللي يصنع البسمة
اللي جلده الزمان وعاده ينكّت
يقوله اللي طَرَق صدره هوى النسمة
من بعد ما هموم صدره بالعنا دَكّت
الناس ما تعرف إلا الظاهر بجسمه
وبالخافي الناس لا شِكَت ولا اشتَكّت
دنياً على ذا البشر با الغي مرتسمة
كم ضحكّت كم.. وكم من واحد بكّت
التجربة بالصبر والعقل من وسمه
والمرجلة بالفعل لا حكّت ولكّت
(مهدي بن حويل)
التعليقات