تبسمي يا أطهر معاكيش وساع
يامن عليك مشاهد العيبه حكر
يابنت حماي الزمل ذرب الطباع
اللي ليا من زل علم ما نكر
وطي رموشك وأعلنيني لأنصياع
في وقت الأنثى تسلب حقوق الذكر
(سعد علوش)
ياحبيب الجرح شوف إحساس محبوبك عَدَم
ما يحس القلب في جرحك وهو كله جراح !
كان في وجهك بقى لك دمعتين وفيه دَم؟
هذي هُدنه.. نتّفق بشروط وننساه اللي راح
يا أجي أرضك وأترك فيها لي بصمة قدَم
أو أصد وأكتب عليها أرض مافيها صلاح !
يا أعيش بـ وسط قلبك ونبني كل شي إنهِدَم
وإلا قدامك أموت وأوقف بوجه الرماح!
إعتبر نفسك معزّب و المشاعر لك خَدَم
وإنت كيفك دام قلبي أرض منزوعة سلاح !
(احمد الصانع)
التعليقات