قل لا..ولو مره عشـان انحنيلك
اقطع حبال الخوف ماينفع الجر
حاول تمرد شوف شلي يجيلك
من لا تضرر ما نفع يوم او ضر
رايك سلاحك لو تشيله يشيلك
وايمانك اكبر من هل الخير والشر
(سليمان المانع)
4byt.com
ياموطني ياالموطن اللي ماعرف مجدك فنا
خيرك وصل اقصى البلاد العالميه والمدن
ياموطني انا هنا..انا هنا..انا هنا
شبحك ألما بعد الحظن ينسيك من وسط الحظن
ياموطني أظّلم عليّ الوقت .. وأتحرّى السنا
ويزيد في عمري زمن ويروح من عمري زمن
ابغى ارضي الشيبان وارضي خاطري بشوف الظنا
لكن ماباليد حيلة آآهـ.. ياشين الغبن
طقيت باب الرزق لكن مافتح والله لنا
كنه يقول: السير يافهمان لازم يندهن
طقيت باب الرزق لكن مافتح والله لنا
كنه يقول: افلح وجب لك واسطه والا استكن
قلت اشهد ان لي واسطه والواسطه يابو جنا
حب الوطن والروح في حب الوطن تدفع ثمن
(سعيد بن مانع)
التعليقات