الصفحة الرئيسية > أجمل أبيات الشعر العامي > يا زايره
يا زايره
يا زايره بعد مل الشوق والإنتظار
وشلون جيتي بعد طول الجفا زايره ؟
ياما خذتني مواعيدك لكل الديار
لفيت الأقطار خلف وعودك البايره
وياما حزمت الحقايب من مطار لمطار
وياليت في الكون شي أسرع من الطايره
تقبل وعودك وتشعل داخل القلب نار
وتقفي وتترك بعيني دمعةٍ حايره
(عبدالله بن علي الطلحي)
4byt.com
على كثر الهموم اللي فقلبي ماشكيت الحال
على كثر الجروح اللي تمادت أكتم العبرة
رضيت أبقى تحت مر الزمان اللي غدا همال
مدام الله كفل عبد(ن) تصبر واحتسب اجره
أنا باقي وأظل أبقى على جور الحزن حمال
ولاني من صنوف اللي بسهولة ينفجر صبره
ترى كل الطعون اللي في ذاتي ماطرت عالبال
ولا هزت كياني لا..ولا هزت ولا شعرة
(مبارك العنزي)
التعليقات