ياستار بكس الله باالامطار يسقيك
وينبت كراسيّك خزامى ونوار
حيث اللقاء الاول لقاء صاحبي فيك
لو كان منت بحول الامطار ياستار
ياصاحبي يالاعب بقلب مغليك
لعب العرب روليت في صاله قمار
ساعه مسكت ايدي وجيت بين اياديك
كني ملكت البحر الاحمر ليا ظفار
فديت شمسك والمحيا وعينيك
مدخلتني جو شيخٍ على بار
حذرى من الفرقا عسى العمر يفديك
لانك اذا فارقتني رحت لشهـار!
(فيصل بن شبلان)
كيفي مزاجي.. كل شيٍ بكيفي
حرة و حرة والف مليون حره
باخذ ربيعك منك واعطيك صيفي
باخذ حلا الأيام واعطيك مُرّه
ذوق العنا.. خلّه يزاورك طيفي
ذوق الذي ذقناه لو كان مَرّه
عقب الهجر لا تعتذر يا وليفي
باردّ لك نص العنا والمضره
(عابرة سبيل)
التعليقات