الصفحة الرئيسية > أجمل أبيات الشعر العامي > في عيوني دمعتين
في عيوني دمعتين
ارفعي سهم المنايا يالعيون
مابقى فيني مكان للطعون
كل شبر في حياتي انجرح
و الذي شقّوا خفوقي يشتكون
في عيوني دمعتين واقفه
ردّت الأيام دمعي بالجفون
ارحمي قلب تجاريبه قست
في زمان ماعرف يوم حنون
اللسان يخون و البسمه كُذُوب
وأصدق التعبير نظرات العيون
(خالد الفيصل)
4byt.com
لا تأخذ القلب رد القلب يا قلبي
وشلون تبغى يعيش اللي معك قلبه
كانك نويت الرَحيل بقلبي ارحل بي
خُذ صاحب القلب هو والقلب وارحل به
خل الوفا من طباعك لا تمنذل بي
حدد حبيبك وحدد من تمنذل به
منك الجفا طال والولوال طول بي
وقلبي عذابك توحد به وطول به
(منصور الرمالي)
التعليقات