الصفحة الرئيسية > أجمل أبيات الشعر العامي > الحال واحد
الحال واحد
حالي وحالك حال واحد بلا شك
وانته تقول إبعد وخلك لحالك
ماتدري إني ياهوى غايتي لك
وشلون تقطع عن محبك وصالك
ان جيتني والهم بالقلب مشغلك
قلت ابشر بعزك وقلبي حلالك
واليوم زاد الهم عندي وادورك
واثرك تغلا يوم غرّك جمالك
لكن نصيحه يوم انا جيت ناصحك
ترى الزمن وان طال بك ماصفالك
احذر من مخاواة شخص ٍ يجاملك
لامن بغى له حاجة ٍ منك جالك
هذي نصيحه وانت عقلك يحكمك
وان كنت تتجاهل فمالي ومالك
(عبدالله العتيبي)
4byt.com
لا ضوى الليل عيني تنتظر للصباح
ولا بدا النور ضاعت حيلتي وين اروح
ما اخبر يوم قلبي من عناه استراح
منشغل خاطري والقلب كله جروح
يا عذولي ترى مالك بعذلي صلاح
اترك اللي تولع في سبيله يروح
لو تعذلون ما اسمع لو تصيح صياح
اسهم الحب تقتل وين عنها باروح؟
(فهد بن سعيد)
التعليقات