ياكثر ماجاني من الناس شعّار
وياكثر ماعدوا قصايد وعديت
احيان اقول ان مالفت شعري افكار
واحيان اقول اني عن الرجم عديت
متفاوتين بشكل مُلفت للانظار
والمشكله ياكثرهم كان عديت
ماباقي إلا يكتب الشعر كومار!
هذا الصحيح ولاتقولوا تعديت
دمي على نظمه كما دلّه ونار
لين انعديت بفكر وبافكاري اعديت
(امجد الدبيسي)
4byt.com
ابوك ياتركي ذبح قلبه الشوق
يصلاه من بين المعاليق صالي
نسجت لك من واقع الحال طاروق
يومك مابين ايام عمري وحالي
قو الشجر لا صار به قوة عروق
واذكر خوالك زي مااذكر خوالي
وان ماعجبك السوق طاوع السوق
واليمه اليمه حذرا الميالي
زلت قدم بسباب جاهل ومطفوق
تسقيك مر الكاس عقب الزلالي
لا لا تقول الوقت والعمر ملحوق
شبل الرجال يروم كسب المعالي
(سلطان بن مطرف)
التعليقات