ياكثر ماجاني من الناس شعّار
وياكثر ماعدوا قصايد وعديت
احيان اقول ان مالفت شعري افكار
واحيان اقول اني عن الرجم عديت
متفاوتين بشكل مُلفت للانظار
والمشكله ياكثرهم كان عديت
ماباقي إلا يكتب الشعر كومار!
هذا الصحيح ولاتقولوا تعديت
دمي على نظمه كما دلّه ونار
لين انعديت بفكر وبافكاري اعديت
(امجد الدبيسي)
4byt.com
اقبل يحرك خطوة الرجل برفوق
والقاع لمصافح خطاه يتشوق
مخلوف لكنه مهوب أي مخلوق
على بنات آدم وحوا تفوق
عليه لبس(ن) يدمع الوسع والضوق
موسع(ن) بعضه وبعضه مضوق
مر وتعدى مابه منه منطوق
إلا إنه بجيش المفاتن مطوق
خلاني أمشي واقضب الدرب وآتوق
مانيب تايق عقل لكن متوق!
(ماجد الحميد)
التعليقات