الله من ضب لقيته وأنا ارميه
ضب(ن) كبير وعكرته حول مترين
ثلاث طلقات(ن) على الراس معطيه
مامات حتى فيه فرغت مشطين
ماشفت ضب(ن) في حياتي يحاليه
جحره كبير(ن) حافره بين خطين
بلشت في شيله وعجزان أذكيه
عرد اللحم ماتقطع اللحم سكين
ولاينشوي بالنار لو جيت ابشويه
امصيبة ٍ ياناس يشبع هل الصين
اثره تمساح(ن) وانا غادي(ن) فيه
امه مكون وجده العود تنين
(زاهي العتيبي)
4byt.com
تقول اللي طرف عينك أنا مدري هدب أو عود
أحس أني من اللي صابها ما شوف قدامي
همست وقلت: لا تخافي على بحر العيون السود
على شط الكحل مريت وهذا موضع أقدامي
(بدر بن عبدالمحسن)
التعليقات