الصفحة الرئيسية > أجمل أبيات الشعر العامي > نظرة عيونك جيش
نظرة عيونك جيش
وش بك على قلبي ذبحتيه يابنت
ما أدري خطأ ولا قصدتي الأذيّه
اللي مهم إني بعد نظرتك لنت
شكراً ترى لعينك وهذي التحيّه
يوم نظرت عيني أنا أذكره كنت
واقف وبعده طحت يعني قويّه
نظرة عيونك جيش من يمكله إنت
غارت على عيني وقلبي السبيّه
(فارس الشايع)
سولفوا تكفون لاعاد تسكتون !
قبل لا اهوجس وياتيني بلاي !
سولفوا لو ما بغيتوا تسولفون!
قبل لا اقعد في الحزن رايح وجاي !
واضحكوا لو بالعمَاله تضحكون !
وجاملوني لو يضايقكم إحكاي!
لي وليفن راح جعله ما يهون !
هــو دواي وداي..او داي ودواي !
وان سكتوا جا وهو طيفه يمون !
رحت اهوجس له وابيّن له ولاي !
غير طيعوني ولاعاد تسكتون !
والا والله ان اسمعكم إبكاي !
(ابن فطيس المرّي)
التعليقات