اخر حركات التدلع والغنا
اللي اسمها مها وفالدلع مهاو
فرفورةٍ تسلف الشمس السنا
مغويه ويطرد وراها كل غاو
ان وقفت كـل شـي متباعـد دنا
وكل شي متلخبط مع الوقفه تساو
واليامشـت قال النمل الله لنا
جمال مايستوعـب ولاينتقاو
مخلوق لامنه انثنى يعني انثنى
كل الزوايا تستقيم اليا تزاو
مثال لا جاعت وطال بها العنا
كل الحلاو اللي على هـالارض جاو
هـي جايعه يارب تاكلني انا
هذي سواليف الحلاو مع الحلاو
واليا كلت اطرف حلاوه من هنا
كل الحلا يشوفهـا و يقول وااو
(سعد علوش)
4byt.com