الصفحة الرئيسية > أجمل أبيات الشعر العامي > اقتلك..
اقتلك..
خِذهَا منّي كلمه وإحْسِبها ضَمان
فدوه لك عيني .. وقلبي فدوه لك
سَمَّه عِشْق كْبير أو سمَّه جِنان
الأهَم..حبّيتِك أكثَر مِنْ هَلِك
ما أخونك ياحبيبي .. مهما كان
ولو تفكّر في الخيانه أقتِلِك !
(احمد الصانع)
4byt.com
ابطى .. وخلّى سؤال ٍ يلهث بفكري
مادري يصون الغلا ؟ مادري هو يخونه؟
ويوم اني اسجّ بين ادري .. وما ادري
عقب البطا .. جاء يقول : الدار وشلـونه
قلت انت : دارك هنا.. واْشِر على صدري
قال انت : دارك هنا .. واَشّر على عيونه
(محمد الدحيمي)
التعليقات