الصفحة الرئيسية > أجمل أبيات الشعر العامي > عطر الكلام
عطر الكلام
هذا غيابك مرني الليلة ويقريني السلام
وانا غيابي حاضر الليلة في زهو الأسئله
غبتي غيابٍ ماترك لي غير حزنٍ مستهام
في وحدتي يبني على عرش إنكساري منزله
من علمك تبنين بغيابك معاويل الهدام
في ذاكرة صوت نما بسمك وفي الذات اشعله
انتي بداية كل ما لاينتهي عطر الكلام
انتي نهاية كل ما لا يبتدي شوق ووله
(ردة السفياني)
4byt.com
وين إنت وشخبارك
يامغرب عن ديارك
انا كل يوم اكحل ناظري بدارك
اتمشى تحت هالسور
واناظر بيتك المهجور
وينك يافنر هالبيت
بعدك انطفى العالم
وما بقى بالشوارع نور
(عبداللطيف البناي)
التعليقات