الصفحة الرئيسية > أجمل أبيات الشعر العامي > شوك الورق
شوك الورق
شوكٍ منابته الورق لا تمسه
احذر قصيدي لا يجرح اناملك
ورملٍ قصيدي..هالكٍ من يعسه
وش لك بصحرا من دخل رملها هلك
حبله طويل و نادر اللي يمسه
وده يشدك من عمس خاطرك سلك
دور كلامٍ يعجبك ما تحسه
حكيٍ خروجك منه يشبه مداخلك
و انت الحظيظ و كل همٍ تدسه
مثل المرض.. لابد في يوم يقتلك
(بدر بن عبدالمحسن)
4byt.com
الوقت ضايع والبطاله فعلها فينا مقيم
اكبر مشاغلنا مسج ونرشح السوبر ستار
هذي حضاره ماتجملنا وذا واقع أليم
وين المبادي والقيم وين المعزه والوقار
في هالزمن ما عاد تعرف من كريم ومن لئيم!
في هالزمن كل شي توجه باتجاه الانحدار
الله يثبتنا على نهج الصراط المستقيم
والله يحسن خاتمتنا في زمن صاير دمار
(فيصل اليامي)
التعليقات