الصفحة الرئيسية > أجمل أبيات الشعر العامي > احذر من الزلات
احذر من الزلات
لا جاك من ابن عمك أوّل زله
فاحذر من الزلات واحذر تجهلي
ولا جاك من ابن عمك ثاني زله
عرضه على العقّال كانه يعقلي
ولا جاك من ابن عمك ثالث زله
اِبعد ظعونك عن ضعونه وارحلي
ولا جاك من ابن عمك رابع زله
فعرضه حد الحديد المصقلي
الحوض لامنه كشف عن غطاته
كلن على جال القليب بيدهلي
(حمد الغيهبان)
4byt.com
توديع الاحباب مثل الموت له سكرة
ادمى جروحي وشق الصدر منيّا
والقلب طيرٍ.. ضلوع الادمي وكره
لا شاقه الطَلع لا سَلَّم ولا حيَّا ..
مصير الأحزان تنساني وتفتكره
ما كل الأيام بيض وسمحة محيَّا ..
قل غيرها ما أنت لا مجبر ولا مكره
لا صار ما هي (غلا) ما أبي لك (حميَّا) ..
لو في يدي شي ما قلت الوعد بكره
حزمت حدب الضلوع وقلت لك هيَّا ..
لو كل غالي يجي دايم على ذكره
ما صرت أشوفك (هناك) وحبك (هنيا) !
مادامك معيف رح.. لكن على فكره
ما قلتلى ليه دمعك سال منيّا؟
(متعب التركي)
التعليقات