الصفحة الرئيسية > أجمل أبيات الشعر العامي > فتحة الباب
فتحة الباب
لاصرت منت بكفو لفَتحة الباب
صكه وخل اللي كفو يفتحونه
اللي معزز طيبهم .. طيب الانساب
متوارثين الطيب .. و يورثونه
يقضون حاجات القريبين وأجناب
المال قبل الجهد .. ما يذخرونه
لأرزاق خلق الله تقل خلقوا اسباب
يقرون حاجات الخوي ... من عيونه
منفذين المال ماهم بهيّاب
لو كان بعض أيام ما ياجدونه
ما الهاهم الواتس اب ومتابع سناب
مجلس رجالٍ والحكي يازنونه
وعيونهم للواجب مزارق حراب
من خوف لا يلحق مسير مهونه
ما فرقّوا بالناس من حيث الأنساب
حتى الضعيف بطيبهم ينهضونه
(حمد السعيد)
4byt.com
ياصاحبي كسر الخواطر من شهاويها حـرام
و الحب يحييه الوصل والروح يحييها الغذا
كل الجوارح فيك تنطق لي من عيونك كلام
يا حبّذا لو مـن لسانك تنطقه يا حبّذا
يا حبذا لو تتخذ وضعي بعين الاهتمام
من كثر درهامي ورى طرد الهوى حالي جذا
و اللي يخلي الحب والغيرة تسبب الانتقام
اليا خذا من لذته واحد وواحد ما خذا
لا يخدعك قانونك الوضعي و قانون النظام
الحق ما يرضي اثنين أما هذا والاّ هذا
(سعد بن جدلان)
التعليقات