بعادي هو سبب همك؟ جعل يفدونك الاحباب
تعال وشرهتك عندي وباب البعد ينسدي
تعال وخل احاسيس الغلا في خافقي تنساب
ترا ما اقدر على بعدك انا احاكيك من جدي
خلاص اليوم ماني حاسبة لاحدن سواك حساب
ماعاد ابعد عن عيونك ولو هالكون ينهدي
خلاص اليوم..لاحيرة..ولا لوعة.. ولا استغراب
انا اتحدى البشر لاجلك ولاجلي انت متحدّي
(البندري)
4byt.com
آه يالرياض ..
يا شذى ورد الفياض
الغرس .. وعذوق الرطب
السيف .. وعقال القصب
هذي الرياض .. حبيبتي
في جيدها الوادي زهى
وطويق يا سوار الذهب
ومرت سنين ومعها سنين
مرت وكنا صغيرين
نجمع سواليف وحطب
ونرمي حصى اسرارنا وسط القليب!
(بدر بن عبدالمحسن)
التعليقات